Ngai lơi kung tam gơl mờ bơsir pa: 25/1/2022

VOV4.K’ho- Mho ngai 24/01, tàm Hà Nội, Đoàn Ơruh pơnu Kộng sản Hồ Chí Minh dà lơgar, Mpồl Plan International Việt Nam pơgồp bal bơyai lơh Dơ̆ lam lơh broă lơh “Ơruh pơnu tơl niam- Đơs ờ mờ jơnau tam cah ờ rờm bal ùr klau”.

Tus bal dơ̆ bơyai lơh do geh Phó Củ ñiệm Ủy ƀan Niam chài, Bơto bơtê bơh Quôk hội dê. Broă lơh mblàng yal jơnau “Ơruh pơnu tơl niam- đơs ờ mờ jơnau tam cah ờ rờm bal ùr klau” geh tam pà gơs 4 tŭ tơngai mờ ală tơngume: “Broă hìu ờ gŏ di là broă is bơh dùl nă cau lơi dê”, “Tam pà bal kơnòl priă jền tàm hìu bơnhă”, “Broă lơh là bơta sac rwah, ờ gơwèt cau ùr halà cau klau”, “Cau ùr kung gơtùi gơ gơs kwang bàng đơng lam bồ geh cồng nha”. Broă lơh geh lam lơh tàm gùt lơgar, bơh tŭ do tus nhai 11 nam 2022 bơh broă lơh tơn mờ pờ tơlik tàm internet bơh broă tìp măt lơh kwèng bal mờ ală cau lơh gơlik bơta tàm gơkờñ, bơceh jơnau đơs crih, cih jơnau đơs crih tơngume bơh broă lơh dê, bơyai ală dơ̆ cribơyai, bơto pơlam bơta gĭt wă, bơta chài ai đoàn viên, ơruh pơnu tàm bàr pe càr, ƀòn dờng mờ fanpage “Ơruh pơnu tơl niam” tàm facebook.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định