Ngai lơi kung tam gơl mờ bơsir pa: 10/8/2022

VOV4.K’ho- Kwang atbồ lơgar Mỹ ồng Joe Biden ngai 09/8 neh kĭ ală Nghị địñ thư mut tàm mpồl ling NATO ai Thụy Điển mờ Phần Lan in. Broă ồng Joe Biden kĭ ală Nghị địñ thư là broă dut ndơl bơh Mỹ dê tàm tŭ ring bal sră dan mut tàm mpồl ling NATO bơh Thụy Điển mờ Phần Lan dê.

Đơs tàm dơ̆ kĭ, ồng Joe Biden pà git, Mỹ là lơgar mpồl bal dơ̆ 23 ring bal sră dan mut tàm mpồl ling NATO bơh 2 lơgar do dê. Thượng viện Mỹ poh lài neh ring bal broă Phần Lan mờ Thụy Điển dan mut tàm mpồl ling NATO mờ khà 95 sră đùh ring bal, 1 sră đùh dră wơl. Ngai 30/6, 30 lơgar geh jơng tàm mpồl ling NATO neh kĭ Nghị địñ thư mut tàm mpồl ling do gơ wèt mờ Phần Lan mờ Thụy Điển, ring bal bè kơrnuat pal jat geh tơmut 2 lơgar do tàm mpồl ling tŭ Quôk hội 30 lơgar ring bal.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định