Ngai lơi kung tam gơl mờ bơsir pa: 24/7/2021

VOV4.K’ho- Iraq hòi jà pơgồp bal dunia, tàm hơ̆ geh mpồl tam klac dunia nàng tam dră mờ Mpồl dà lơgar Islam. Tàm dơ̆ lòt còp lơgar Mỹ ngai 23/7, Bộ trưởng Ngoại giao Iraq ồng Fouad Hussein yal bơr, mờ broă lơh ngan bơh ală mpồl ling lơgar Iraq dê, bơta tò dong bơh làng bol mờ bơta lơh broă bal mờ Mpồl tam klac dunia dê bơh Mỹ lam bồ gơtùi tam lơh jai mờ Mpồl dà lơgar Islam.

Ồng Hussein đơs nền là, Mpồl dà lơgar Islam kung gam là dùl mpồl sò tơm iơh bơsak ngòt rơngơt mờ kung gam geh mat tàm lơgar Iraq. Bộ trưởng Ngoại giao Iraq kơp kờñ sơlơ tơnguh lơh broă bal dunia, tàm yal jơnau dunia nàng tam dră mờ mpồl do kung bè nùs nhơm bơh Mpồl dà lơgar Islam dê. Iraq đơs niam ală broă lơh ngan bơh Chính phủ Mỹ dê tàm broă bơto pơlam mpồl sền gàr lơngap lơngai Iraq, bơto bơtê mờ ai tơlik jơnau tơngkah tàm gah lơh broă jòi jơnau tơnggit ndơp ndơr, kờñ lơh geh bơta rơcang lài kuơmàng, dong sơlơ sền gàr gơnoar tờm mờ lơngap lơngai bơh Iraq dê kung bè tam lơh jai mờ Mpồl dà lơgar Islam.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định