Ngai lơi kung tam gơl mờ bơsir pa: 15/6/2021

VOV4.K’ho- Lơgar Iran ờ ting jăt phan tam lơh hạt nhân mờ ờ lơh gơlik bơta kal ke, ờ kun bồ tềng đăp bơta sò tơm sơgràm phà. Hơ̆ là jơnau yal bơr bơh ồng Hassan Rouhani- Kuang ătbồ lơgar Iran dê tàm dơ̆ sơnđờm ai ngui ală broă lơh bơ̆t bơtàu kấp dà lơgar bơh Bộ Quốc phòng lơgar Iran dê geh bơyai lơh tàm ngai 14/6.

Ồng Hassan Rouhani đơs là, dilah ală lơgar lơh jăt jơnau hơ pơrgon, lơgar Iran geh lơh jăt tơn tơnơ̆ hơ̆. Do là jơnau đơs loh làng bơh Iran dê pơyua tus Mỹ mờ châu Âu in. Kuang ătbồ lơgar Iran đơs là, broă lơh jăt ală jơnau hơ pơrgon geh gơcèng bơta bơ̆t bơtàu mờ ring lơngai, kơ̆ kơl jăp ai jơh gùt dunia mờ kơnhoàl ù tiah do in. Iran ờ bài kong ơ̆t tềng đăp ală bơta rồn bơklơn mờ bơta tam lơh kung bè gơtùi sền gàr bơta lơngăp lơngai ai kơnhoàl ù tiah do in.

Nàng sền gàr dà lơgar, Iran ờ kờñ khăt dùl bơta phan tam lơh lơh gơ sơ̆t cau dùl ròt lơi. Bulah lơh uă uranium gơguh tus 63% mơya Iran ờ ting jăt phan tam lơh hạt nhân. Kuang ătbồ lơgar Iran pà gĭt, broă lơh uă uranium là nàng lơh geh jơnau kờñ ngui tàm gah lơh sơnơm mờ ồs đèng bơh dà lơgar dê.

Cau mblàng Lơ Mu K’Yến

 

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định