Ngai lơi kung tam gơl mờ bơsir pa: 10/8/2022

VOV4.K’ho- Hội đồng Bảo an Liên hợp quôk neh pờ dơ̆ pơrjum mhar nàng cri bơyai bè jơnau ring bal ơm tam cuh pa lơh geh đah lơgar Israel mờ cau Palestine bơh broă lơh kòn gùng lơgar Ai Cập dê nàng kờñ tơn jơh tam lơh jŏ jòng 3 ngai do tàm dòr bơnơm Gaza. Tàm pơrjum, Hội đồng Bảo an Liên hợp quôk neh jờng rơ ală broă lơh ngan bơh lơgar Ai Cập dê tàm broă rơndăp dùl kơrnoat ơm tam cuh đah lơgar Israel mờ Mpồl tam lơh jat yàng Islam Jihad bơh Palestine dê tàm dòr bơnơm Gaza.

Mơya, anih lơh broă Liên hợp quôk kung tơnkah lài kơrnoat ơm tam cuh là ờ kơ̆ kơljap mờ khat dùl bơta gơlik geh lơi bơh ală broă tàm gơ jrañ ndrờm lơh aniai tus ală broă lơh cíñ trị. Đơs sùm bơta gơguh tam lơh pa do tàm tiah do neh “lơh hoàc huơr uă ngan tus mờ làng bol dê”, Kwang đơng pơlam broă kwơ màng bơh Liên hợp quôk dê bè Trung Đông pà gĭt Liên hợp quôk geh yal bal niam jơh bal lơgar Israel mờ Palestine nàng gàr niam kơrnoat ơm tam cuh.

Cau mblàng K’ Hạnh

 

 

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định