Ngai lơi kung tam gơl mờ bơsir pa: 30/11/2021

VOV4.K’ho- Ngai 29/11, càr Gia Lai sơn đờm lam lơh cit sơnơm vaccine kòp Covid-19 bơh gah Pfizer mờ BioNTech ai kơnòm bơsram bơh 12 tus hơđơm 17 sơnam in. Mùl màl, jat broă rơndap lơh bơh Mpồl đơng lam rơcang sơndră kòp Covid-19 càr Gia Lai dê, pơgap rlau 60 rbô 200 nă kơnòm dềt bơh 16 tus hơđơm 18 sơnam tàm gùt càr geh cit lài. Broă cit sơnơm vaccine geh lam lơh tàm ală anih dùl bă tiah là Hìu sơnơm xã, sơnah  ƀòn; ală anih cit sơnơm vaccine làm bă tiah tàm ală hìu bơsram, ƀòn ơm kis mờ tàm ală thôn, ƀòn tàm ală tiah sar lơgar ngài.

Kờp dŭ, tơnơ̆ tŭ lơh gơs cit sơnơm vaccine ai kơnòm dềt tàm sơnam do in, càr Gia Lai geh pơn jat tai lam lơh cit sơnơm vaccine ai rlau 113 rbô 200 nă kơnòm dềt bơh 12 tus hơđơm 16 sơnam in. Bơta tam yah ngài đah 2 ding sơnơm vaccine là bơh 3 tus 4 poh. Mpồl đơng lam rơcang sơndră kòp Covid-19 càr Gia Lai sồr ală tiah lam lơh cit sơnơm vaccine kơnòm dềt in dùl bă sơbac mhar, lơh ngan cit sơnơm vaccine ai kơnòm dềt bơh 12 tus hơđơm 18 sơnam in tàm nam 2021.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định