Ngai lơi kung tam gơl mờ bơsir pa: 29/7/2021

VOV4.K’ho- Jơnau yal bơh Mpồl đơng lam rcang sơndră kòp Covid-19 càr Dak Lak dê, tàm ngai 28/7, sền gŏ tai 37 nă cau bơtờp mờ virus Sars CoV-2, tơnguh khà cau kòp tàm Dak Lak 178 nă.

Dak Lak lam lơh broă yal tiah lòt rê tàm điện tử ai làng bol rê bơh ală càr geh kòp in

Tàm khà 37 nă cau bơtờp mờ virus Sars CoV-2 pa sền gŏ geh 28 nă cau kòp sền gŏ tàm tiah ai ơm yah ngài, tiah wàng se kơryan kòp. Ală cau do là cau tàm bơtờp kòp bơh ală tiah kòp neh geh sền gĭt lài hơ̆ tàm ƀòn dờng Buôn Ma Thuột mờ ală kơnhoàl: Cư Kuiñ, Krông Bông mờ Krông Năng. 9 nă cau gam wơl là ală cau kòp geh sền gŏ tàm mpồl bơtiàn geh bơta lòt rê geh gơrềng tus ƀòn dờng Hồ Chí Minh mờ càr Bình Dương. Bè hơ̆, kờp tus 5 jiơ mho ngai 28/7, càr Dak Lak geh 178 nă cau kòp, tàm jơh 15 kơnhoàl, thị xã, ƀòn dờng, tàm hơ̆ geh 7 nă cau geh sơm bời kòp mờ ai rê tàm hìu.

Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định