Ngai lơi kung tam gơl mờ bơsir pa: 7/5/2021

VOV4.K’ho- Jăt ồng Mai Đình Phong, Phó Kuang ătbồ Phòng Gròi sền- Ồs đèng càr Dăk Lăk dê yal, tàm ală ngai ơm rlô, ală măy gròi sền is pà gŏ, khà ồs đèng bơh dùl mpồl lơh sa kă bro dê lơh broă tàm Tiah lơh sa mờ măy mok Hoà Phú, ƀòn dờng Buôn Ma Thuột gơguh nisơna, gah ồs đèng neh lòt sền, sền gŏ mpồl lơh sa kă bro do crăp ală măy tính jòi priă ờ ngan, ngui ồs đèng ờ di broă.

Mpồl lơh sa kă bro neh gơtìp sồr tơm wơl, lơh glài mờ priă kờp jơh là rlau 70 tơlak đong. Bal mờ broă lơh blăc pơrlồm giă priă ồs đèng, pa do, dùl mpồl lơh sa kă bro khà dùl tàm Dăk Lăk neh gơtìp lơh glài kờp jơh gơguh tus 285 tơlak đong. Kờp bơh bồ nam tus tŭ do, jơh gùt càr Dăk Lăk neh gŏ 882 dơ̆ lơh tìs tàm broă ngui ồs đèng, mờ kờp jơh priă lơh glài mờr 950 tơlak đong. Ồng Mai Đình Phong pà gĭt, ală broă lơh ngui đèng ờ di broă, ờ dipal mờ pràn crăp ơn, tung kơñau priă đèng...geh lơh gơlik bơta ngòt rơngơ̆t ai să tờm cau ngui đèng in kung bè bơta ờdo ờdă bơh jơh ală gùng che đèng dê.

 Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định