Ngai lơi kung tam gơl mờ bơsir pa: 16/5/2022

VOV4.K’ho- Tơnơ̆ tơngai ơm ing tài gơrềng bơh kòp Kovid-19, tàm Anih tờm Niam chài càr Dăk Lăk dê, Sở Văn hoá - Thể thao mờ Zu lịc Dăk Lăk bơyai lơh broă lơh ràng tơlik bơta niam chài dròng cing jan mồng săp nstas mpong làm brê bơnơm dờng ơning ơnàng mờ tơngume “Mpong sùm tàm brê bơnơm dờng ơning ơnàng” nàng drơng broă làng bol mờ năc lòt nhơl in.

Ràng tơlik dròng cing jañ mồng

Bơdìh mờ broă geh sền ală dơ̆ ràng tơlik niam ngan, năc tus bal gam geh ñô tơrnờm, dò kòng lơngô mờ gơ mut bal tàm ală dơ̆ tam ya bơh yau, tàm tơrdŏ jòng at tê bal tam ya xoang. Sở Văn hoá- Thể thao mờ Zu lịc càr Dăk Lăk pà gĭt: do là broă lơh kwơ màng yal tơngĭt tus mờ làng bol, năc lòt nhơl in bơta kwơ màng niam ngan bơh Ù tiah niam chài cing mồng Tây Nguyên dê; yal tơngĭt rùp hin, bơta pràn nhơl chờ, niam chài bơh càr Dăk Lăk dê.

Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định