Ngai lơi kung tam gơl mờ bơsir pa: 22/1/2022

VOV4.K’ho- Di dơ̆ bồ sơnam pa Ñâm Zần, mho mang ngai 21/01, Ủy ƀan Thường vụ Quôk hội bơyai lơh tìp măt ală kwang bàng đơng lam bồ Quôk hội lài do, kwang bàng Ủy viên Ủy ƀan Thường vụ Quôk hội ală khoă lài do.

Tàm nùs nhơm ram mhŭ chờ hờp bơh dơ̆ tìp măt dê, Củ tịc Quôk hội ồng Vương Đình Huệ ưn ngài bơta sền gròi, dong kờl, pơn jờng mờ tă pơgồp jơnau đơs bơh ală kwang bàng lài do là kwang đơng lam bồ Quôk hội, Ủy viên Ủy ƀan Thường vụ Quôk hội ală khoă dê lời ai ală kwang bàng Quôk hội khoă XV in. Củ tịc Quôk hội ồng Vương Đình Huệ yal cồng nha lơh broă bơh nam sơnrờp dê, tơngai lơh broă Quôk hội khoă XV. Quôk hội khoă XV neh sùm rơcăng lài, geh kơnòl, sơrbac mhar, lơh jăt niam nùs nhơm tam klăc, bồ tơngoh jak, jăt sền nền nòn bơta gơlik geh ngan ngồn tàm rài kis, di tŭ ai ală broă bơh rài kis lơh sa- mpồl bơtiàn dê tơmŭt tàm dơ̆ pơrjum cribơyai nàng sền swì mờ lơh nền. Di tŭ lam lơh bơnah broă lơh dờng ngan jơh bal tàm broă lơh adat boh lam, jăt sền mờ lơh nền ală broă kwơmàng bơh dà lơgar dê.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định