Ngai lơi kung tam gơl mờ bơsir pa: 10/8/2022

VOV4.K’ho- Mho ngai 09/8, tàm hìu lơh broă Củ tịc, Củ tịc lơgar ồng Nguyễn Xuân Phúc neh wă Đại tướng ồng Hun Manet, Phó Kwang đơng lam bồ dờng, Kwang đơng lam bồ ling klàng dà lơgar Campuchia, Ủy viên Ƀan Thường vụ Đảng làng bol dà lơgar Campuchia gam ơm còp Việt Nam.

      Củ tịc lơgar ồng Nguyễn Xuân Phúc wă Phó Kwang đơng lam bồ dờng ling klàng dà lơgar Campuchia

Củ tịc lơgar ồng Nguyễn Xuân Phúc jơh nùs gờm chờ Đại tướng Hun Manet lòt còp, lơh broă tàm Việt Nam; pin dờn dơ̆ lòt còp cèng uă bơta kuơ do geh tă pơgồp kuơmàng ngan tàm cồng nha bơh “Nam git gơp lơh bơyô Việt Nam- Campuchia 2022”. Đơs nền Việt Nam mờ Campuchia là 2 lơgar rềp bal geh git gơp lơh bơyô ờs mờng rềp mềr, Củ tịc lơgar ồng Nguyễn Xuân Phúc kơp kờñ Đại tướng Hun Manet tàm gơnoar broă kuơmàng tŭ do kung bè tàm tơngai tus, geh pơn jat tai tă pơgồp jơh nùs ai broă sền gàr, bơtàu tơnguh git gơp lơgar rềp bal niam bơnĕ, lơh bơyô ờs mờng, lơh broă bal tơl làm, kơ̆ kơljap jŏ jòng sùm đah 2 lơgar.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định