Ngai lơi kung tam gơl mờ bơsir pa: 24/6/2021

VOV4.K’ho- Ngai 23/6, tàm hìu lơh broă Văn phòng Chủ tịch lơgar, Chủ tịch lơgar ồng Nguyễn Xuân Phúc neh wă Bộ trưởng Ngoại giao Hàn Quốc ồng Chung Eui Yong lòt lùp còp di dơ̆ lòt còp ngan ngồn Việt Nam bơh ngai 21 tus ngai 23/6/2021. Tàm dơ̆ wă, Chủ tịch lơgar ồng Nguyễn Xuân Phúc đơs nền broă bơtàu tơnguh git gơp lơh broă bal 2 lơgar là bơta lơh ngan bal, bơh kấp dờng màng tus ală bộ, gah broă lơh, làng bol Việt Nam.

Chủ tịch lơgar ồng Nguyễn Xuân Phúc sồr Bộ Ngoại giao mờ ală Bộ, gah broă lơh 2 lơgar pơgồp bal jơh nùs, tơnguh geh cồng nha rlau tai broă gàr sùm tìp mat cribơyai broă kấp dờng màng mờ ală kấp, bal mờ gơp tơnguh jơnau bơceh pa nàng bal mờ gơp sơrlèt gan ală kal ke bơh kòp dờng dê; rề ơnàng rlau tai broă lam lơh mờ tam gơl gơs li la broă bơcri priă bơh Hàn Quốc dê tàm Việt Nam.

Bè ală broă tàm tiah do, tàm dunia, ồng Chung Eui Yong đơs nền, Bộ Ngoại giao Hàn Quốc tŭ lơi kung kờñ lơh broă bal jơh nùs mờ Việt Nam tàm ală dơ̆ cribơyai uă lơgar mờ bè ală broă 2 lơgar sền gròi bal; kơp kờñ Việt Nam pơn jat tai tă pơgồp tàm broă tơnguh cribơyai bal, lơh broă bal tàm bồt Triều Tiên.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định