Ngai lơi kung tam gơl mờ bơsir pa: 30/11/2021

VOV4.K’ho- Mho ngai 29/11, jăt jiơ tiah do dê, Chủ tịch lơgar ồng Nguyễn Xuân Phúc bal mờ pơ ùr lam bồ mpồl kuang bàng kấp dờng màng lơgar Việt Nam dê neh tus ƀlàng rơndeh par Vnukovo, lơgar Nga, sơnđờm broă lòt còp ngan ngồn lơgar Nga jăt jơnau jà bơh Kuang ătbồ lơgar Nga ồng Vladimir Putin. Dơ̆ bơyai lơh wă rò Chủ tịch lơgar Việt Nam ồng Nguyễn Xuân Phúc geh lơh ki ngàm ngàm tàm ƀlàng rơndeh par Vnukovo.

Dơ̆ bơyai lơh wă rò Chủ tịch lơgar Việt Nam ồng Nguyễn Xuân Phúc geh lơh ki ngàm ngan tàm ƀlàng rơndeh par Vnukovo

Do là dơ̆ lòt còp kuơmàng lơh tềl 71 nam Việt Nam mờ Nga lơh bơta gĭt gơ̆p lơh broă bal, 20 nam 2 lơgar kĭ Jơnau yal bơr bal bè gĭt gơ̆p Tam klăc lơh broă bal jŏ jòng mờ mờr 10 nam geh Jơnau yal bơr bal bè sơlơ tơnguh rlau tai bơta gĭt gơ̆p Tam klăc lơh broă bal jŏ jòng tơl ală bơta, bơh hơ̆ pờ tơlik ală gùng dà lơh broă bal pa đah 2 lơgar.

Làng bol Việt Nam tàm lơgar Nga chờ hờp wă rò Chủ tịch lơgar ồng Nguyễn Xuân Phúc mờ pơ ùr 

Jăt broă lòt còp, Chủ tịch lơgar ồng Nguyễn Xuân Phúc geh dơ̆ cribơyi broă mờ Kuang ătbồ lơgar Nga, Tìp măt tơm bơh bơr mờ Thủ tướng lơgar Nga, tìp măt Chủ tịch Duma dà lơgar Nga (hơ̆ là Hạ viện Nga); tìp măt Chủ tịch Mpồl duh broă dà lơgar Nga; jàu Huân chương Gĭt gơ̆p lơh bơyô bal Kuang gơnoar cih Mpồl duh broă lơngăp lơngai dà lơgar Nga; tìp măt Phó Chủ tịch Mpồl duh broă Lơngăp lơngai dà lơgar Nga, Chủ tịch Đảng dà lơgar Nga tơrgùm dùl ồng Dmitry Medvedev mờ pơ ùr. Tus bal mờ đơs tàm dơ̆ sơnđờm mŭt Cribơyai mpồl lơh sa kă bro Việt Nam mờ Nga.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định