Ngai lơi kung tam gơl mờ bơsir pa: 15/5/2021

VOV4.K’ho - Ngai òr (14/05), UBND càr Lâm Đồng neh tơlĭk sră nggal pơn jăt tai tơnguh broă lơh jăt ờ uă broă sơndră mờ kòp Covid-19, tàm hơ̆ ơm ing tai ờ uă broă lơh tàp pràn să jan, pơrài bồ tơngoh.

                                   Càr Lâm Đồng ơm ing ờ uă broă lơh nàng sơndră mờ kòp gơtờp

Jăt mờ hơ̆, bơh 12 jơ mang ngai òr (14/05), càr Lâm Đồng geh pơn jăt tai ơm ing uă broă lơh drơng ala ờ mùl màl geh kuơ. Ală broă lơh chờ nhơl, pơrài bồ tơngoh tơrgùm gal cau tàm ală ƀlàng dờng, jăt gah tơnao dà, ƀlàng nhơl tàm càr kung pal ơm ing lơh broă tus tàm tŭ geh jơnau yal pa. Tus tŭ do càr Lâm Đồng ờ hềt geh dờp cau lơi geh gŏ mờ kòp Covid-19.

Mơya, tềng đăp mờ bơta kal ke bơh kòp gơtờp, UBND càr sồr ală sở, gah lơh broă, mpồl lơh broă mờ UBND ală kơnhoàl, ƀòn dờng tàm càr pơn jăt tai lơh jăt nền nòn jơnau đơng lam bơh Dà lơgar, Thường trực Tỉnh ủy mờ UBND càr bè ală broă sơndră mờ kòp Covid-19.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định