Ngai lơi kung tam gơl mờ bơsir pa: 14/5/2021

VOV4.K’ho- Ồng Dương Văn Trang Ủy viên Đảng Dà lơgar, Bí thư Tỉnh ủy Kon Tum pa lòt sền broă lơh ătbồ, sền gàr mờ bơtàu tơnguh brê tàm xã Đăk Tăng, kơnhoàl Kon Plông. Bí thư Tỉnh ủy Kon Tum sồr xã Đăk Tăng pal ătbồ, sền gàr niam 630 tờm nho 5 nha geh is gam geh tŭ do. Do là tờm nho gơ ai cài mờ tinh dầu uă rlau pơndrờm mờ tờm nho 3 nha, geh rùp să niam, dipal nàng tam tàm ală anih lơh broă, hìu bơsram, tiah lơh broă.

Tŭ do, Mpồl ătbồ Tiah lơh sa sươn sre ngui công nghệ cao Măng Đen neh bơtờp sơntìl geh pơgăp 400 tờm nho 5 nha. Bí thư Tỉnh ủy Kon Tum sồr kơnhoàl Kon Plông pơn jăt tai sồr Mpồl ătbồ Tiah lơh sa sươn sre ngui công nghệ cao Măng Đen bơtờp sơntìl tờm nho do nàng rề ơnàng bă ù tam tàm ù tiah kơnhoàl dê, drơng broă nhơl chờ, tơnguh uă bă ù geh chi che brê bơnơm, lơh geh broă lơh, priă lơh geh ai làng bol in bơh priă tơnhàu cài nho, tinh dầu mờ dơm nho.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định