Ini lac tuk piah ka dom baoh sang pambuak talei rohim di 3 taneh ia

Akok QH Vương Đình Huệ ba kaok Kapol urang jakar pakat glong QH negar CHXHCN Viet Nam tapa rivang Liên hiệp Vương quốc Anh saong Bắc Ireland meng harei ini mbiah tal harei 30 bilan 6. Dalam mbang rivang Hungary, melam kabroi, tui tukvak pak nan, Akok Quốc hội hu taom gaok bhap bini doanh nhan urang Viet di chau Au. Di var taom gaok, Akok QH Vương Đình Huệ caong khin bhap bini urang Viet di Hungary patui bruk patagok jum pataom, daong klak rabha haong gauk, ngak njauk tui hukum di Hungary, khik ramik saong yaih khan thaot binguk taneh ia, taneh ia Viet Nam dalam meta maong di ayut taneh ini.

Harei pataom baoh sang ngan saong kadha “Baoh sang Việt Nam – Lào – Campuchia” hu peih tabiak harei kabroi 26/6 di TPHCM. Danak dak hu mbaok di Tổng lãnh sự Lào haong Campuchia di TP.HCM, lambaok Thành đoàn, Dom kapul Hữu nghị TP.HCM, kapul sinh viên 3 taneh ia haong 34 baoh sang. Ini lac tuk piah ka dom baoh sang pambuak talei rohim, taom gaok gauk, ndom biai nao mai, pang, iek dom kadha daoh, tamia meng kan di 3 taneh ia saong abih di nyu lac hu mbaok tame me-in dom kadha me-in di bhap bini, dom bruk pambuak talei jum pataom abih gauk veik.

Kapol urang kumei Việt Nam pambuak saong UB bhap bini tỉnh Bình Dương saong Kapol urang kumei tỉnh Bình Dương birau peih ngak papar sap papar binguk tapak danak dak ngan hoang kadha “Amaik raong - anit ranam saong klak rabha”. Muk Hà Thị Nga, Akok Kapol Urang kumei Viet Nam brei thau, Kapol urang kumei Viet Nam  peih ngak Danak “ Amaik raong” di bilan 10 thun 2021, tukvak jit ruak Covid-19 daok rah tabiak sraw kadau. Mbiah tal ini hu labaih 10.000 uranaih metui kayua Covid-19 hu sanya  daong, raong ba.

UBND tỉnh Bình Thuận hu panuac likau Thủ tướng pasang iek, tabiak panuac cảnh cáo ong Lê Tuấn Phong, lac Akaok UB bhap bini tỉnh. Dahlau di nan, ong Lê Tuấn Phong njauk UB Kiểm tra Trung ương tabiak kỷ luật tui jalan lac cảnh cáo. UBND tỉnh Bình Thuận daok hu panuac caong pasang iek, tabiak panuac khiển trách ong Nguyễn Văn Phong - phó akaok UBND tỉnh. Langiu di nan, UBND tỉnh Bình Thuận jeng hu panuac likau Thủ tướng pasang iek, tabiak kỷ luật hành chính rilo urang jakar ngak praong karei, dalam nan hu menuac ngak praong urak ini daok ngak bruk, saong hu menuac padeih bruk blaoh, kayua hu rilo bruk ngak suan.

Biar 26/6,  Công an tỉnh Tây Ninh duah mboh 3 atau dalam sa baoh sang daok di xã  Hòa Hiệp, huyện Tân Biên. Page harei nan, bhap bini duah mboh atau sa-ai Bảng Thị H ndon angaok ia craoh taphia ar paga sang mac patak cao su. Công an huyện Tân Biên tame tal labik piah duah thau, sang sa-ai H gaok bala, tui nan daong duah urang gaok bala saong ba 3 atau tagok thu. Urang ngak praong di huyen Tân Biên mbiah mai rivang, klak rabha pandik harao saong daong jien hoang baoh sang ngak ndam padhi ka 3 urang metai. Tui duah tahu camereip lac kayua blung khí gas tuk kuac katak di lubang katak, di palei Hòa Đông B, xã Hòa Hiệp, huyện Tân Biên.

Tổng thống Mỹ Joe Biden sa mbang tra ba tabiak hatai sahneng duah bahrau ka bruk di dunya piah cagar veik prein khang daok pambak praong di Trung Quốc. Tui Tổng thống Joe Biden, kapul G7 meda duah jalan ieu pataom 600 tỷ đô la ka bruk ngak ini di thun 2027 saong Mỹ meda rik tame 200 tỷ đô la piah jhul patagok dom danak dak di dom taneh ia daok cakrok saong hu jien mek tame mbiah. Pok jien rik tame di Mỹ hu peih tabiak dalam 5 thun tal.

Hãng tin Bloomberg tame dữ liệu tui iek gilac pajeng menyek hu mboh, dom sang mac hlang menyek di chau Au blei 1 trieu 840 ribau thung menyek tamo  di Nga yaok harei. Yau nan, chau Au patui bruk blei parilo menyek tamo meng Nga tapa jalan tasik. Tui yaok kuhria, meng bilan 1 tal bilan 4 thun ini, menyek tamo di Nga pablei tapa EU tagok 14%.

Dom thợ mỏ di 1 mỏ ameh dalam bhum taneh Yukon di Canada bahrau ini duah mboh “xác ướp” di sa drei lamen ma mút hu meng 30.000 thun dahlau.  Xác ướp lamen ma mút ini meda lac daok yau tamo, hu klik saong bilau daok gam angaok rup. Dahlau di nan, xác ướp sa drei lameni ma mút 42.000 thun umo, hu caik angan ieu lac Lyuba, jeng hu duah mboh di Siberia thun 2007./.

Urang lang: Bhumi & M.Phuong – 27/06 10:35:20

HỆ PAPAR SAP BANGSA VOV4 BHUM BAN RAYA HCM

Labik jabat: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh

 Yam ndoc : Nguyễn Ngọc Năm
Phaok yam ndoc: Cao Thị Thoa, Trần Xuân Thân