Mintri Y tế blei jamriak, pandap panda, jru tavao piah duh ka bruk pacang caga jit COVID-19

UB pasang iek Trung ương tabiak harak brei thau, di mbang nyaom ka 5 peih tabiak meng harei 2 tal harei 4/8, UB pasang iek Trung ương hu pasang iek bruk duah thau, langyah dom kapol đảng, urang đảng ngak oh ka njauk dalam dom bruk, dom vụ án di Mban tacei jalan pakat negar ka pacang caga tham nhũng tui iek tacei jalan ngak.  Tui nan,  UB pasang iek pakat negar iew mBan Thường vụ Thành ủy Hà Nội kiểm điểm bruk ngak dalam tuk tacei jalan ba ngak di Ban cán sự đảng UBND TP Hà Nội; gam pataom tame tacei ba jalan langyah tantu  dom bruk ngak suan, bruk kurang pambuak tal sarakh di Đảng saong Hukum karja; Ban Thường vụ Thành ủy TPHCM tacei jalan pasang iek, langyah samar, njauk bruk  dom kapol đảng, urang đảng ngak suan dalam dom bruk pambuak tal. Tui nan, UB pasang iek pakat negar  iew Ban Bí thư pasang iek, langyah bruk ngak suan dom urang  ngak suan di dom kapol urang Đảng angaok nan di Ban Bí thư khik iek.

Rajaei bahrau brei pabak 5.100 tỷ đồng meng jien caga di kadung jien karja pakat negar thun 2021 brei ka Mintri Y tế blei jamriak, pandap panda, jru tavao piah duh ka bruk pacang caga jit COVID-19. Dalam tuk jien padai oh hu rilo, bruk ngak ini brei mboh Đảng, Rajaei tuk halei jeng iek praong prein yava di bhap bini. Abih menuac sia, dom urang ilamu di rilo gah, rilo bruk ngak, jeng njauk hatai haong bruk ngak ini saong caong lac, meng bruk ngak ini, samar ba mai siam lagaih, kein laba ka bol bhap rahra.

Pasak Pasang iek ruak kik Ban raya HCM brei thau, dalam harei 4/8, Ban raya HCM hu 3.300 urang njom Covid-19, trun labaih 800 mbang dut saong harei 3-8. Ban raya HCM hu 2.778 urang ruak taong thit ruak, kuhria abih tih urang hu taong thit ruak meng tuk birau tamuh jit tal ini lac 43.751. Urak ini, Ban raya oh hu sruh jit ruak birau, 30 sruh jit ruak daok pacang khik tani tanat. Jeng dalam harei nan, Sở Y tế TPHCM tacei pato brei  ba meneing Sang iek ruak Q4 tame ngak Sang iek ruak ka urang njom Covid-19.

Piah jhul samar bruk klauk vaccine Covid-19, UBND quận 8 (TP.HCM) brei klauk tuk melam ka rahra dalam quận. Tui nan, bruk klauk jru dalam harei di dom labik klauk jru di quận 8 oh padeih di mon 6 melam yau dom mbang klauk dahlau, bo hu dui atah tal kreh melam. Piah khik hu bruk pa-atah di gauk, UBND dom phường di quận 8 tabiak tukvak saong hadom menuac hu klauk tui mon cambaih laih ka yaok urang dalam phường, hu harak da-a atau panuac khan tal bhap bini hu tut angan blaoh piah nao klauk vaccine. Daok menuac umo labaih 65 thun saong dom urang hu ruak dalam rup, hu klauk vaccin di Sang iek ruak Quận 8 haong Sang iek ruak Phục hồi chức năng – pasiam ruak bruk ngak TP.HCM.

Thủ tướng Rajaei hu Harak pathau khan tagok Akok negar brei alin Huân chương Chiến công hạng Nhì ka Thượng úy Phan Tấn Tài, urang jakar, Đội Cảnh sát pasang iek kol tội phạm ma túy, Công an Quận 6, Công an TP Hồ Chí Minh. Dahlau di nan, melam mesup  2/8, Kapol pasang iek dom phường hu 4 urang jakar urang lin, dalam nan hu Thượng úy Phan Tấn Tài, ngak bruk pasang iek, pacang caga jit. Angaok jalan ngak bruk pasang ie, Kapol urang jakar mek hu sa urang likei angan Hứa Hán Võ ndih tapui 1994, daok quận 6, TP Hồ Chí Minh) ngak suan bruk pacang caga jit. Kapol urang jakar brei pasang iek harak gar, hu thau urang pandar matuy yau nan ye brei ba tame labik Công an phường piah langyah. Nao ngaok jalan , urang nan oh ngak tui, patuh radaih nduac klak yau nan ye kapol urang pagui tui. Dalam tuk pagui mek, Võ lih radaih tame ngak ka radaih di Thượng úy Phan Tấn Tài blait tagok takai jalan, ginuk tame danieng sang urang di jalan Lò Gốm. Ong Phan Tấn Tài hu urang ba tame iek ruak chip min tal mong 21 tuk 30 minit harei nan plang nao.

Gah Y tế dunya hu panuac ieu dom taneh ia padeih klauk vaccin mbang 3 mbiah tal tukvak takik abih lac puac bilan 9.  Taong Yam ndok Gah Y tế dunya Tedros Adhanom Ghebreyesus ndom lac, padeih klauk mbang 3 piah daong hu takik di nyu lac 10% menuac sia dunya hu klauk vắc-xin pacang COVID-19. Panuac ieu di Taong Yam ndok Gah Y tế dunya hu ba tabiak tuk rilo taneh ia daok brei klauk mbang ka 3 piah patagok prein khang di vắc-xin anak dom biến thể bahrau di virus.

Dom urang ilamu roh duah vaccine di Anh harei kabroi brei thau, Anh ba tabiak panuac brei ka taong abih urang umo meng 16 saong 17 thun klauk jru vaccine pacang Covid-19 di  Pfizer. Ini lac jalan peih praong bruk klauk jru dahlau di nan taneh ia ini brei klauk jru ka dom kapol uranaih hu ruak dalam rup dahlau. UB gah vaccine saong pacang ruak Anh brei thau daok dauh thau dom panuac kakei dalam tuk bru njom mbak daok samar di kapol urang ranaih saong dom bruk brei thau ka bruk salamat birau abih jeng njuak hatai ngak tui dom panuac kakei nan.

Takik di abih 17 urang metai saong labaih 10 urang karei njauk rambus, tuk cakala klaak njauk sa ndam lakhah angaok gilai di bhum tây bắc Băng-la-đét. Cakala klaak njauk sruh gilai pajeng menuac nao taduan metau kumei. Dom menuac njauk rambus hu ba tal sang iek ruak. Matau likei jeng njauk rambus. Yaok ratuh menuac metai yaok thun kayua cakala klaak di Băng-la-đét. Dom chuyên gia ndom lac, dom mbang cakala klaak ngak brei menuac metai pambuak tal bruk jah tak glai, rilo phun glaong njauk kaoh pajaleih./.

Urang lang: M. Phương – Ái Nghiêm – 05/08 10:21:16

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân