Pasang iek catang bruk nao mai meng jalan kapal haoh

Bahrau hadei di 1 harei ramik veik bruk oh ieu tuai nao kapal haok, radaih pui vak tui harak sanya, Mintri jalan mbak pajeng ba tabiak veik bruk ieu tuai vak veik harak nan piah thau ka bruk nao mai. Tui Mintr GTVT, di mbang nyaom biar harei 25/10, Phó Thủ tướng Vũ Đức Đam haong dom mintri, dom gah, dom tỉnh ban jeng mboh lac brei ngak saong pasang iek catang bruk nao mai meng jalan kapal haoh. Dom tỉnh ban hu panuac caong gah pajeng ba meng kapal haoh daok brei thau ka bruk nao mai di tuai piah hu jalan pasang iek. Lingiu di nan, bruk pataom veik saong duah thau bruk nao mai dalam taneh ia pandar angaok ứng dụng PC-COVID jeng daok dalam tuk yasa jalan ngak.

Mesup 26/10, Viện Pasteur TP.HCM pambuak bruk song Sở Y tế, pasak pasang iek ruak kik ban raya peih bruk pato pasram online ka dom kapul klauk jru hu Labaih 3.900 urang y tế, khik ramik siam mekre ka bruk klauk vaccine Covid-19 ka uranaih meng 12 tal 17 thun. Ban raya .HCM kuhria klauk ka 780.000 uranaih meng 12-17 thun duik rai atau bac daa pak ni. Ban raya klauk mbang sa dalam 5 harei song klauk abih dom uraniah daok veik dalam 2 harei. Mbang ka 2 klauk dalam 7 harei hadei di tuk ginup tuk vak atah di gauk 2 mbang klauk. 

Labaih 1.500 rahra dom tỉnh: An Giang, Bến Tre, Cà Mau, Cần Thơ, Đồng Tháp, Tiền Giang haong Vĩnh Long hu Bộ Tư lệnh TP.HCM pambuak bruk haong karja dom tỉnh, ban ba nao palei mesup ini. Hu thau, biar harei ini, jaik 150 rahra Gia Lai jeng hu ban raya ba nao palei tui hatai caong di dom urang nan. Hu thau, yaok harei, hu jaik 20 "sruh radaih 0 đồng" tabiak meng TP.HCM nao 21 tỉnh, thành gah meraong, bhum kreh negar saong Tây Nguyên, ba mikva nao palei meng ini tal abih harei 31/10.

Harei 26/10, Kapul dom gah pacang caga pablei salih lậu tỉnh An Giang brei thau, bahrau duah mboh labaih 11.500 klaok, pok jru khik caga phun pala oh thau asar di nyu pak di labik pablei salih pandap gah ngak nong Bảy Phận di xã Mỹ Đức, huyện Châu Phú. Tapa pasang iek, tong abih pandap panda nan oh hu harak gar brei thau ka asar di nyu. Kapul ngak bruk ngak harak jao ka jabat chức năng pasang iek duah thau, langyah tui adat hukum.

Hadei di 4 harei duah, urang metai dalam bruk kram sà lan angaok kraong Gò Gia, xã Thạnh An, huyện Cần Giờ, TP.HCM hu duah mboh di cảng Cái Mép dalam tỉnh Bà Rịa-Vũng Tàu. Nan lac Phùng Sơn L. (SN 1999, palei daok di Nghệ An). Dahlau di nan, gah chức năng mboh lac labik sà lan kram atah di labik pataok camereip jaik 60m. Bala nan rah tabiak di melam 23/10, sruh sà lan 800 tấn nyu kram, 4 urang patuah tabiak hu, daok 1 urang lahik, medil lac gar veik dalam cabin.

Thủ tướng Thái Lan Pra-dút Chan-ô-cha hu jao ka mintri pablei salih negar ni pasang iek bruk labaih 80 triệu hagum tangin y tế ja pablei tapa negar Mỹ, hadei di tuk khaw tin vak angaok kênh CNN. Tui duah thau tuk camereip, dom pluh triệu hagum tangin hu pandar bloh njauk khik mek di rilo taneh ia oh lac ta-eng di Mỹ. Dom hagum tangin y tế hu angan SkyMed tapa duah thau mboh lac, công ty di Thái Lan ni oh blei meng negar langiu tame hagum tangin y tế jang yau oh eng drei ngak tabiak.

Rajaei Philippines daok kham merat ngak hu salah bruk klauk vaccine COVID-19 ka uraniah di bilan 12 piah pataom tame klauk mbnag 3 ka urang y tế, urang taha saong urang trun prein pacang ruak. Dalam harak ndom puac anak rahra harei 25/10, Tổng thống Philippines - Rodrigo Duterte ndom tal bruk njauk jhul samar bruk klauk vaccine ka uraniah piah khik caga uraniah anak jit praong, gam haong nan meda peih veik taong abih dom sang bac, trun takik di abih bruk oh siam ka xã hội saong jhul patagok kinh tế.

Kuhria tal 25/10 hu jiak 10.000 uranaih meng 12 tal 17 thun njauk ruak nền di ban Manila hu klauk vaccine COVID-19 camereip, dalam tong abih tih 12,7 triệu uranaih Philippines dalam um othun ni ginup prein piah klauk. 1,2 triệu uranaih njauk ruak karei song mbuan si njom virus di Philippines jeng lac dom uranaih hu klauk mbang camereip. Mintri Y tế Philippines brei adat ka vaccine Pfizer song Moderna piah klauk ka uranaih. Taneh ia ni dok ngak salah jalan ngak song harak gar piah peih bruk klauk mbang patagok tui kuhria dalam bilan 11 anak tal./.

Urang lang: Ai Nghiem – Hani Pha – 26/10

HỆ PAPAR SAP BANGSA VOV4 BHUM BAN RAYA HCM

Labik jabat: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh

 Yam ndoc : Nguyễn Ngọc Năm
Phaok yam ndoc: Cao Thị Thoa, Trần Xuân Thân