Harei Katê thun 2021 di bangsa Cam hu peih tabiak dalam bui sambai, chreih chrau, salamat, patak pataom, cak rok patagok ilamo siam mekre meng kan di bangsa

Mintri ilamu, Thể thao song Du lịch bahrau hu sarak ka 2475/QĐ - BVHTTDL ka bruk pathau khan, khik ramik, patagok lagu doh, ragam tamia bhap bini meng kan di dom bangsa takik angaok dom rayo papar sap, papar binguk. Tui nan, mintri ilamu, Thể thao song Du lịch ieu tacei bruk padang ngak dom danak dak pathau khan brei tantu cambaih laih, siam lagaih, khik hu bruk pambuak gauk catang di dom jabat, đơn vị, tỉnh, ban, dalam tuk peih ngak danak dak . Gam haong nan, jhul khang bruk pathau khan, paglong hatai sahneng, pren khik ramik song peih ngak dom bruk ilamu , nghệ thuật; pabak pathau khan ka bruk chính trị; pachreih ba bhap bini dom bangsa takik patagok bruk ngak di drei dalam khik ramik, patagok yaom glong ilamu di bangsa drei.

Tui ilamo meng kan, bhap bini Cam Ahier di tỉnh Bình Thuận mbang Katê meng harei 5/10. Dalam tuk jit ruak daok rahtabiak sarau kadhau, Ủy ban bhap bini tỉnh Bình Thuận ieu kakei dom huyện, ban sit, labik hu bhap bini, urang jakar, urang lin, công chức, viên chức, urang ngak bruk lac urang bangsa Cam tui agama Ahier daok duikrai, ngak bruk saong bac da-a... ba mbuan lagaih piah ka harei Katê thun 2021 di bangsa Cam hu peih tabiak dalam bui sambai, chreih chrau, salamat, patak pataom, cak rok patagok ilamo siam mekre meng kan di bangsa.

Pachreih tui danak dak “Riyak song komputer ka adei” kayua rajaei ba tabiak, Tổng Liên đoàn Lao động Việt Nam, Kadung jien hatai ameh urang ngak song Tổng Cty Viễn thông MobiFone bahrau peih bruk jao 200.000 tài khoản bac da-a song truy cập internet yaom 100 tỷ đồng payua brei ka dom adei anek saih hu rai duik kan kandah dalam taneh ia duh ka bruk pato song bac online. Angaok yaok tài khoản hu sa tổ hợp dịch vụ sản phẩm, hu ginup dom bruk piah daong prein ka dom adei anek saih angaok jalan bac da-a

Piah khik kajap prein yava ka y bác sĩ saong bhap bini dalam bhum jit COVID-19, kapul kỹ sư di Viện pandap panda saong Công trình Y tế (di Mintri Y tế) hu roh duah, ngak tabiak hu pandap khik jalan suak yava saong pandap brei daok karei di động. Pandap nan hu 1 mặt nạ sir daong khik caga abih meng labik takoi tagok, pambuak haong 2 pa-op gah dalam hu dom pandap khik iek abih hangin tame – tabiak, hu prein daong khik tal 99%. Pandap hu ngak sit, mbuan ba tui angaok rup, daong ka urang cuk hu mbuan lagaih jang dut saong dom blah khan aw yau urak ini.

Kapul dong urang jaoh jo song uranaih metui medar Việt Nam hu taduan bruk dong brei 50 sruh radaih juak (yaom 83,5 triệu đồng) meng kapul WeLoveU dunya piah alin brei anek saih jaoh jo, metui medar , anek saih kan kathaot di tỉnh Thái Nguyên. Tui ong Lương Phan Cừ, akaok kapul, dalam tuk jit COVID-19, Kapul kham merat pambuak bruk, jak ba dom urang piah rik dong, pachreih urang jaoh jo, uranaih metui medar yam tapa kan kandah. Yaok pok pandap hu urang dong alin brei, Kapul jeng kham merat duah jalan payua tal tangin menuac urang biak samar, drah, khik hu siam mekre dalam bruk pacang caga jit.

Kapul dom urang daong panuac di pasak pasang iek saong pacang caga jit ruak Mỹ (CDC) harei kabroi (23/09) hu tabiak panuac ka bruk brei klauk mbang klauk ka 3 vaccine di Hãng jru Pfizer-BioNTech ka bhap bini Mỹ meng umo 65 thun tagok saong dom urang praong thun hu dom janih ruak kan kandah, oh klauk ka dom dam dara.

Rayo papar binguk Sky News Arabia harei kabroi ba panuac Thứ trưởng mintri Brei thau song ilamu Afghanistan Zabihullah Mujahid ndom lac, dom bruk bo dom taneh ia dunya ba tabiak piah công nhận Rajaei bahrau di Afghanistan lac “oh lagaih” haong gah Taliban, saong hu payua panuac ieu Liên Hợp Quốc samar duah tabiak “sap ndom hong gauk” dalam bruk ngoại giao. Akaok bilan ni, Liên Hợp Quốc hu batabiak dom bruk piah pok brei gah Taliban lac rajei bahrau di Afghanistan, nan lac: oh caik ka kol khủng bố mek labik piah tong dom taneh ia karei, iek prong quyền anek menuac, abih di nyu lac quyền di urang kamei, karja pháp quyền song quyền tự do ndom biai, brei thau. Puac di abih lac bruk Taliban brei hu panuac sinya caik ka rahra negar langui song urang Afghanistan tabiak truh taneh ia ni, njauk hong sarak di Liên Hợp Quốc

Dom gah daong jien hu rik daong labaih 840 triệu EUR (985 triệu USD) piah ngak veik Nhà thờ Đức Bà (Notre-Dame) di ban ine Paris, negar Prang – lac Nhà thờ hu meng labaih 800 thun. Min, bruk ngak pasiam mblang taneh vil val Nhà thờ Đức Bà tok meda hu peih ngak di thun 2025. Bruk khuah Nhà thờ Đức Bà di bilan 4-2019 dalam 15 maong ngak jalieh tabung tháp saong khuah ralai manieng tabung di inem mek ini./.

Urang lang: Thu Thao – Hani Pha – 25/09

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân