Uranaih saong urang taha bhian mbuan njauk tổn thương labik dhing kaik

Jamaok: Njauk jamaok kaik oh lac hagait prong, min jamaok meda ba anek ruak njom mbak dom ruak kan kandah yau pandiak dom, pandiak tabiak darah, atau ruak Zika. Meyah drei mboh rup pandiak rilo, pandik akaok, glaih dalam rup, taglaoh ta-aok, barah baoh kuh, ndaih baoh bhong hadei di tuk jamaok kaik, njauk nao tal labik y tế piah iek ruak samar drah.

Idam apui: Dom labik idam apui kaik meda barah bhong, pandik di langiu kalik. Dom labik idam apui kaik meda ba tal pandik akaok, yếu cơ, glaih glar, pandiak, aih traoh, var drei jan atau handaoh rup. Meyah mboh yau nan, urang njauk idam oui kaik njuak nao tame sang iek ruak chip.

Anek piak: Labik anek piak kaik bhian oh njauk hagait, min nyu mbuan ba tal njauk dom janih ruak trak kayua ký sinh trùng ngak tabiak. Khaol drei samar mboh labik kaik ye bruk njaom ký sinh trùng meng anek piak jeng trun daok takik. Meyah mboh tagok bhong, atau pandiak, pandik cơ, pandiak akaok, taglaoh ta-aok atau pandik hatian hadei di tuk anek piak kaik, njauk nao tal labik iek ruak samar drah peih iek ruak.

Anek dangko: Tuk njauk anek dangko kaik bhian mboh pandik hasit. Min meyah mboh kan suak yava, huyn akaok, pandik hatian, glaoh ta-aok, aih traoh, katal, tagok baoh, barah mbaok atau dalah, tarakon, njauk nao tal labik iek ruak piah hu cấp cứu chip.

Nhện juk: labik nhện độc ini kaik maong dreih yau “đồng hồ cát”, saong mbuan ngak brei jhak khang ka prein yava. Tuk njauk nhện juk kaik, njauk nao tame sang iek ruak cấp cứu chip. Labik kaik ini meda ngak brei tagok darah samar oh pasang iek hu, blat baoh patih, động kinh atau ndaoh cơ mbaok.

Nhện nâu ẩn dật: Yau angan iew di nyu, janih nhện ini nyu daok biak kandauk saong oh kaik thei meyah oh gaok tal nyu. Labik kaik di nhện ini bhian oh pandik mbiah tal dom tuk hadei meng kaik. Tuk nan, di labik kaik mboh bhong, hadei di nan nyu barah tagok jeng baoh aia saong salih tapa sambo màu tím jhuk. Meyah trak jang, aia me-ik di urang njauk nhện ini kaik salih tapa sambo màu đục, rup pandiak, yah la-ar saong ndaoh rup.

Anek dhing: Labik anek dhing kaik bhian barah, pandik saong ndaih bhong. Meyah drei mboh dom kadha yau nan, njauk nao tal balai y tế chip. Uranaih saong urang taha bhian mbuan njauk tổn thương labik dhing kaik.

Halak mbaok meo: Dom drei halak bak bilau ini dom rak balau di nyu lac dom daruai độc. Piah sơ cứu tuk njauk daruai độc di halak mbaok meo, njauk pandar băng pagam tauk tagok labik kalik njauk halak kaik blaoh paok tabiak, ngak nao ngak mai dom mbang piah mek mbaik daruai độc tabiak, hadei di nan rao hacih labik kalik njauk halak ini kaik aia saong sabon, blaoh uh ia patau piah patrun pandik./.

Urang lang: Jasi – 13/05

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân