5:50

Dalam tuk jit ruak, sang ngak pandap pablei salih lac labik gaok kan kandah biak trak

  Dom sang ngak pandap pablei salih gam gam tagok samar, praong jang saong hu dom rik daong biak praong gam haong bruk patagok di nền kinh tế dalam dom thun tapa. Hu dom langyah brei mboh lac, sang ngak pandap pablei salih hu rilo mbuan lagaih jang duk haong doanh nghiệp kayua jalan ngak bruk mbuan mbiah, sami samar, jien kak je biar, sang pablei salih bhian pilih ruah “thuế khoán” piah mbuan lagaih jang dalam tuk ngak bruk. Hu dom bruk oh lagaih ka bruk ngak, ka jien padai, dom sarak daong di karja, abih di nyu lac dalam tuk taong abih dom labik ngak kinh tế jeng gaok kan kandah. Jien oh chính thức di sang ngak pandap pablei salih jeng biak glaong. Ong Hoàng Anh Tuấn, phaok jabat roh duah, Viện pato pakai saong roh duah Gilang pariak BIDV ba tabiak so sánh ka bruk ngak di dom sang ngak pandap pablei salih di Việt Nam haong angaok dunya: “Duk haong Việt Nam, sarak di dom taneh ia jeng jiak dreih yau kol drei urak ini. Min bruk karei gauk di labik adat daong sang ngak pandap pablei salih, sarak daong di Việt Nam lac doanh nghiệp mbiah saong sit, sang ngak pandap pablei salih kol drei oh ka hu sarak daong.”

2 thun tapa, kan kandah di jit Covid ngan haong doanh nghiệp saong sang ngak pandap pablei salih lac biak praong. Meyah pasang iek gah sang ngak pandap pablei salih ye hu dom kan kandah ka jien ndo, ka menuac ngak, tuai blei njauk klaih klaoh, jien piah ngak tagok biak samar, jien pajeng ba, yaom xăng, yaom điện daok tagok glaong. Chuyên gia kinh tế Cấn Văn Lực taong yaom doanh nghiệp haong sang ngak pandap pablei salih di taneh ia drei hu prein pacang biak siam, min meyah oh hu dom bruk daong cambaih laih saong samar drah ye biak kan pasaim veik hu dalam tukvak anak tal: Kol dahlak caong lac dom pok jien daong hu tabiak blaoh urak ini brei ngak ka nyu siam, urak ini pok jien daong 26.000 tỷ bahrau peih ngak hu 65%. Dom tavak tavaiy ka jalan ngak dalam tukvak tapa brei hu lang talaih chip, brei ba tabiak tukvak piah ngak.”

Bruk hu mesraiy jien lac kan ngan saong dom doanh nghiệp, daok dom sang ngak pandap pablei salih lac dak kan kandah jang. Dom sang ngak pandap pablei salih jeng khan lac daok mesraiy phun jien tapa drap ar padang di drei, daok jalan ngak saong bruk ngak pandap pablei salih ye dom gilang pariak oh taong yaom glaong, oh hu mek drap ar piah padang tuk nao mesraiy jien. Tiến sỹ Nguyễn Quốc Việt, phaoak akaok viện roh duah kinh tế saong sarak VERP mboh lac brei patagok sarak daong phun jien di dom gilang pariak ngan saong dom sang ngak pandap pablei salih, urak ini oh ka hu quy định cambaih laih ka bruk ini.

  Tui meta maong di jabat khik ramik karja, amuk Bùi Thu Thủy, Phaok akaok Cục patagok doanh nghiệp, Mintri Kế hoạch & Đầu tư mboh lac, oh ka tuk halei dom jabat Rajaei tame bruk samar saong njauk tukvak piah daong dom  doanh nghiệp, menuac urang yau urak ini. Min 1 dalam dom makna ba tal peih dom pok jien daong suai damuai lac kayua harak gar daok rilo janih srau kadau. Dalam tuk dom pok jien yau urak ini saong dalam tukvak anak tal brei hu jhul samar bruk peih jien piah lang talaih kan kandah ka rahra saong doanh nghiệp piah pasaim veik bruk ngak samar di abih, oh klaih klaoh bruk pabak pandap. Amuk Bùi Thu Thủy brei thau, Rajaei daok tacei pato padang ngak sa danak dak pasiam veik kinh tế pabak tal dom gah.

Meda lac sang ngak pandap pablei salih lac dom menuac urang, dom kapul nyaom sit min khik ramik prein khang praong ngan saong nền kinh tế. Ini lac labik dom menuac urang yaom lac bac da-a glaong biar yau habar jeng mbuan tame, jeng lac bhum kinh tế daok gaok kan kandah trak meng jit COVID-19 mbang ka 4. Kayua yau nan ye, dom sarak cambaih laih saong samar drah piah daong ka bhum ini, brei hu ba tabiak ngak dak samar, dak siam./.

Urang lang: M. Phương – 23/10

HỆ PAPAR SAP BANGSA VOV4 BHUM BAN RAYA HCM

Labik jabat: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh

 Yam ndoc : Nguyễn Ngọc Năm
Phaok yam ndoc: Cao Thị Thoa, Trần Xuân Thân