Urak ini yến hu ieu pablei yaom lap bak abih di darak pasar

Langyah kayua halei kan pasang iek chất lượng yến, dom jabat pambuak tal khan lac: Ngan saong yến blei meng negar lingiu, tavak tavaiy di labik yến blei tame nan bhian nao tui jalan tiểu ngạch nan ye kan mboh hu. Tok hu dom bruk sit sot njauk gah chức năng samar pacang cakak, langyah.

Pagap yau bruk Hải quan TPHCM mboh hu bruk blei meng negar lingiu tame oh hu harak adat jaik 120kg sruh yến vụn Indonesia (tanjak tangin haong pandap payua) tapa pabah mbang negar mblang kapal haoh dunya Tân Sơn Nhất. Ong Trần Hải Sơn, akaok Cục Hải quan tỉnh Khánh Hòa brei thau, gah hải quan hu thau bruk ba yến meng negar lingiu tame, min rilo meng tui jalan tiểu ngạch nan ye kan pasang iek kayua nyu lac pandap pablei salih bhian randap.

Di dom darak pasar praong di ban raya  HCM (dalam nan hu darak pasar Bình Tây), mban khik iek darak pasar brei thau, urang pablei salih hu pablei salih yến sào kayua ini oh lac pandap pakauk. “Meyah mban khik iek darak pasar mboh pandap oh thau asal di nyu, oh hu angan je, ye mban khik iek darak pasar tok hu panuac kakei, pahadar urang pablei salih. Ini jeng lac bruk kan di kol dahlak urak ini”, 1 urang dang akaok mban khik iek darak pasar di quận 1, TPHCM khan lac yau nan. 

Meda mboh lac angan je saong chất lượng yến sào dalam taneh ia daok mbuan njauk urang mek angan ngak ja. Pablei salih yến ba mai kein laba glaong nan ye rilo menuac daok ngak ja sruh yến piah pablei. Tui Chi cục Khik ramik darak pasar tỉnh Khánh Hòa, tukvak jaik di ini mboh hu yến sào njauk ngak ja biak rilo saong yau biak. Yến sào ja meda hu ngak meng tapung rau câu, tapung baoh kraoh, lòng trắng baoh menuk, bún tàu haong dom janih karei ka oh thau asal di nyu.

Amuk Đặng Thị Ánh Tuyết, Yam ndok sản xuất Cty Phú Hồng Thành – angan pablei salih yến sào Hồng Tuyết Linh, kakei menuac blei njauk caik hatai duah thau ka yaom yaok janih yến, abih di nyu lac yến huyết dahlau si blei. Dalam nan, hu dom jalan maong iek meng meta, meng tangin piah takik blei njauk yến oh siam, pagap yau yến biak bhian hu sambo patih katam, dui nao mai hu, kan jaoh, tram ia raak samu gauk, oh ralai, rak daok khik hu độ dai. Daok yến ja ye cagar veik, meyah tram tame ia raak biak samar, nhão; rak yến mbuan klaoh…

Ong Nguyễn Viết Hồng, Phaok akaok Kapul khik caga quyền lợi urang blei pandar ban raya HCM ndom lac, pandap halei pablei nduac, pablei laik di darak pasar ye mbuan hu bruk ngak ja, dalam nan hu sruh yến hu pablei oh thau meng halei mai angaok internet. Bahrau ini, Hiệp hội Yến sào Việt Nam hu payua harak tal dom jabat chuyên trách (Mintri CA, Mintri Công thương, Mintri Ngak nong saong Patagok palei pala) ieu daong ka bruk urang blei brei thau lac blei njauk yến sào ja meng dom labik pablei pandap angaok Facebook yau Tổ yến - Yến sào Nha Trang thượng hạng, Tổ yến - Yến sào Gia Khánh, Cty TNHH Yến đảo miền Trung… Dalam harak payua nan hu panuac caong dom jabat chuyên trách tame bruk duah thau, kaoh klaoh abih bruk pablei salih yến ja, yến oh siam, khik caga quyền lợi urang blei.

Tui ong Nguyễn Viết Hồng, urang blei njauk pilih ruah dom pandap hu angan je, hu nhãn mác, thau cambaih asal di nyu, hu tem pacang pandap ja di angaok yaok pok pandap. Sruh yến ja daok lac bruk kan kandah praong, ngak srau kadau darak pasar, oh siam ka prein yava urang blei mbang, ngak lahik labik dang angaok darak pasar pablei salih di dom doanh nghiệp ngak mbang tapak tapaiy./.

Urang lang: M. Phương – 13/04

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân