Cập nhật ngày: 21/4/2021

Viện Pasteur Nha Trang birau jao brei 10.100 mbang jru vaccine pacang caga Covid-19 ka Ninh Thuận saong Bình Thuận

Harei ini 21/4,lac harei 10 bilan 3 tui saka ia bulan, pak Phú Thọ peih ngak Pacit da-a Po Hùng thun 2021 saong adat pok bingu kakuh di labik rup thaok Wa Ho ndem menyai saong urang jakar, urang lin Ðại đoàn quân Tiên Phong. Langiu dom adat cambat meng kan, piah ngak njauk tui dom bruk ba tabiak pacang caga jit Covid-19, bruk ngak bui sambai hu dom bruk ilamu meng kan di bhap bini. Dahlau di nan, Pacit da-a Po Lạc Long Quân saong adat cuh gilau kakuh amaik Âu Cơ hu peih ngak di harei 17/4 (lac harei 6-3 tui saka ia bulan). Adat cuh glau pahadar dom Po Hùng di dom palei dalam tỉnh peih ngak meng harei 1 tal harei 7 bilan 3 tui saka ia bulan, ngan saong rilo bruk nagk ilamu bhap bini yau: taong hagal bar, klauk đuống, pakacah papaok – riak ahar bánh chưng saong saok ahar bánh dày…

Di ban raya HCM, thun ni rilo sang bac hu peih ngak pachit daa po Hùng dalam tuk chào cờ akaok adit piah pato pakai anek saih ka halau gha bangsa . dalam nan hu dom bruk prong yau: hadar veik bruk padang taneh ia song khik caga taneh ia di muk kei, parang main kadha "Ralow darah Lạc Hồng", parang iek võ thuật, song dom adat cuh gilau, pok gom, pok alak , pok te…

Viện Pasteur Nha Trang birau jao brei 10.100 mbang jru vaccine pacang caga Covid-19 ka Ninh Thuận lac 3.400 mbang saong Bình Thuận 6.700 mbang. Vaccine hu khik piah dalam labik la-ar tui bruk ba tabiak dalm luac tuk vak pajeng ba, jeng yau khik piah dalam gilang, hadei di nan hu parabha, pajeng tal dom labik di 17 huyện, ban di dua tỉnh. Ta-eng huyện kaoh pulao Phú Qúy meda hu Pasak pasang iek jit ruak tỉnh Bình Thuận pajeng ba saong pasang iek labik brei klauk jru di harei 24/4 anak tal.

Chi cục Kiểm Lâm Cà Mau brei thaut, abih taneh glai tràm U Minh hạ di tỉnh prong labaih 43.000 ha, dalam nan labaih 60% taneh hu salih tapa tanut mbuan khuah pakat IV (pakat mbuan khuah) song pakat V (pakat biak khuah). Anak bruk mblang taneh glai mbuan khauh meda hu rilo jang, Bein pakat negar U Minh hạ hu ba dom jamriak njuk , peih bruk tui eik luac harei melam, song yaok harei peih bruk pasang iek di dom labik prong.

UB bhap bini tỉnh Sóc Trăng birau payua harak jak ba urang daong blei lasun tím di urang nong ban sit Vĩnh Châu. Tui nan, kayua jit ruak Covid-19, bruk pablei lasun tím gaok rilo kan kandah, urak ini daok labaih 50.000 tấn lasun tím, yaom tok 5.000 đồng sa kilo min oh hu urang mai blei. UB bhap bini tỉnh Sóc Trăng brei panuac iew dom urang akok sở, ban ngành, kapol nyaom, sự nghiệp dom jabat trung ương ngak bruk dalam tỉnh, akaok UB bhap bini dom huyện, ban sit, ban raya jak ba urang jakar, công chức, viên chức saong bhap bini daong blei lasun daok kandaong labaih. Anak meta brei daong ka urang sang kathaot piah mikva samar yam tapa kan kathaot, tani tanat raidiuk.

Bruk tamuh tabiak jit ruak Covid-19 ngak khat lahik jiak 80% phun jien dalam thun 2020 di gah rivang me-in du lịch Campuchia meyah dut song thun 2019. Mintri Du lịch Campuchia batabiak panuac kuhria mboh dahlau lac bruk patagok di gah ni dalam thun 2021 meda lac âm 60% tal âm 70%. Urak ni, 3.429 labik ngak mbang gah du lịch di Campuchia njauk kreih pabah mbang, ngak ka yaok pluh ribau urang lahik bruk ngak.

Anak bruk dom menuac njom Covid-19 bahrau daok tagok khang, Mintri Y tế Thái Lan daok kuhrai tabiak bruk brei ka urang ruak Covid-19 hanjul meda daok karei di sang, piah caik laneng ndih brei ka dom urang ruak trak. Dom sang iek ruak hu brei bruk tui iek dom urang ruak nan dalam 14 harei saong brei tame sang iek ruak meyah mboh lac ruak jhak nao. Min bruk ini jeng oh ka hu peih ngak kayua dom sang iek ruak jeng daok hu labaih 3 rabau laneng ndih iek ruak. 

Di sa mạc Atacama thu lagu abih di dunya, dom urang ilamu Chilê bahrau duah mboh inem mek di sa janih khủng long ka oh hu thau tal, hu meng yaok triệu thun dahlau. Dom roh duah brei mboh hóa thạch ni lac di janih khủng long mbang phun pala Arackar, duik dalam saman Phấn trắng atah di ni labaih 66-80 triệu thun. Hóa thạch janih khủng long bahrau ni tui kuhria hu parang iek di muinyim sajarak dakrai Tự nhiên di Chilê./.

Urang lang: Hani Pha – Ái Nghiêm – 21/04

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân