Urang hu tangi sua ka cambaih laih jeng hu klauk jru 

Njauk kuhria caga hagait dahlau di tuk klauk vaccin?

Dahlau di abih nan lac kuhria caga gah hatai sahneng. Njauk thau cambaih ini lac bruk njauk ngak, siam ka drei, ka sang drei saong ka bol bhap rah ra. Patui di nan njauk kuhria caga ka pren yava, mbang menyum ka nyu ginup, menyum rilo aia, ndih ginup. Dahlau di tuk klauk, dom urang y tế hu pasang iek prein yava ka drei dahlau piah thau lac prein yava di drei siam. Urang y tế brei ka drei 2 blah ba-ar: Ba-ar pasang iek prein yava saong ba-ar taduan bruk klauk jru pacang caga. Drei puac ka nyu cambaih blaoh vak tame 2 blah ba-ar ini. Hu hagait oh ka thau cambaih ye sua tangi veik urang y tế ka nyu cambaih, juai vak tuk oh thau cambaih.

Harei nao klauk jru njauk ngak hagait?

- Hatung hatai brei chreih chrai, juai caik hatian lapa, menei ia hacih sa-at, abih di nyu lac gah tangin iew lac labik klauk jru. Cuk siuk pabang mbaok nao tal labik klauk. Daok atah urang karei 2m. Oh ndom me-yai nao mai. Takik gaok tangin tame dom labik. Ba tui kalaok ia jru rao tangin saong bhian rao tangin.

Klauk jru blaoh njauk ngak hagait?

- Daok veik 30 minit piah tui iek.

- Oh tauk, oh gaok, oh capat di labik klauk. Tok khik klaih mahlei meyah urang jakar y tế pandar ngak.

- Hadei di 30 minit, urang y tế meda pasang iek veik, dut iek huyết áp, meyah mboh siam ye brei nao sang. Njauk tui iek ka nyu tani tanat dalam 24 tuk camereip saong dalam 7 harei hadei di klauk jru. Urang YT meda brei ka drei QR code piah drei khan brei thau yaok harei.

-Meyah mboh rup pandiak, njauk tui iek rup pabhap, duk nhiệt độ tuk pandiak, menyum jru pandiak mbiah, ginup saong tui iek piah thau lac jru  pandiak drei menyum nan lagaih atau oh. Meyah mboh pren yava oh siam, njauk khan brei urang y tế thau piah hu tacei pato saong langyah samar drah, khik piah ka siam ba-ar xác nhận klauk jru saong ba tal labik klauk jru tuk nao klauk mbang patui veik.     

Gam haong nan, hadei di tuk klauk vaccin blaoh jeng daok brei ngak tui dom jalan pacang caga jit tui 5 paka di Mentri Y tế piah khik siam mekre, salamat ka rup drei, ka sang drei saong ka bol bhap rah ra anak jit prong COVID-19. Janih vaccine halei jeng yau nan, tok pacang caga hu ruak meng 60-95%, oh hu 100%. Yau nan min, kadha prong di bruk klauk vaccine lac meyah oh patuah njauk njaom mbak ye takik mboh ruak trak saong yau nan takik ba tal metai lahik dut haong dom urang oh klauk jru./.

Urang lang: Jasi -8/7

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân