Adat mbang akaok padai bahrau di urang Cơ Tu

 

Di huyện A Lưới, dom bangsa yau Pa Kô, Tà Ôi jeng yau Cơ Tu jeng hu peih ngak adat Aza – mbang akaok padai bahrau. Yaom lac dreh gauk ka angan iew saong tukvak peih ngak, min adat ngak di yaok bangsa jeng hu labik karei di gauk. Meyah urang Tà Ôi atau Cơ Tu peih ngak sit ye urang Pa Kô peih ngak praong dalam puk palei. Nghệ nhân Hồ Thị Tư, daok di palei A Năm, xã Hồng Vân brei thau: “Adat A da mbang akaok padai bahrau. Ngan haong urang Tà Ôi, Cơ Tu jeng hu min ngak sit, dalam gauk gar, baoh sang min urang Pa Kô peih ngak  praong dalam palei. Kadua tra nan lac hu bruk karei gauk di talam salao paling yang. Talam salao paling yang di urang Tà Ôi tok hu sa talam salao saong sa drei menuk, urang Cơ Tu jeng yau nan min urang Pako ye karei jang, brei hu ginup 7 talam sa-lao”.

Adat mbang akaok padai bahrau di urang Cơ Tu hu dua binah: binah ngak adat saong binah ngak bui, me-in sambai. Dom janih pandap pok tagok paling yang jeng hu bhap bani kuhria caga tani tanat, palih ruah tabiak dom janih brah saong pandap panda bangi di abih yau lisei mbong, baoh karaoh, har meneing, pabui, menuk piah paling tagok dom yang mebhang.

Tui ong A’ra Việt daok di huyện A Lưới, karei jang urang PaKô, piah caga ka bruk mbang akaok padai bahrau, oh lac bilan yuak jaik salah blaoh, bhap bani Cơ Tu tok yuak ha sit padai angaok puh ba mai sang. Daok veik hadom hu yuak veik hadei di tuk ngak adat blaoh: “Mbang akaok padai bahrau nan lac sa meteh padai hu yuak blaoh meng ngak paling yang, daok meteh diah ye caik veik hadei di paling yang blaoh drei meng nao yuak, gam haong hatai caong khin hu rilo jang, uan tabuan rilo jang. Hatai saneng lac yau nan. Taong abih likei saong kumei jeng hu nao yuak padai abih, oh hu likei karei kumei karei”.

Adat mbang akaok padai bahrau di urang Cơ Tu hu peih ngak ndung bak hatai pamaong tal halau gha, ka bruk caih menek, cak rok pataok di yaok janih, athur, phun pala. Tui sa-ai Tarương Rân, bruk nao yuak padai ba mai paling yang mbang akaok padai bahrau hu peih ngak biak tani tanat, meng tuk yuak tal tuk pambu, thaok blaoh tahanek jeng lisei. Abih di nyu lac, lisei di van ngak adat njauk lac lisei tasak di bilan yuak bahrau bo mikva daok khik piah hadei di tuk yuak dahlau hasit: “Akaok mereip drei yuak bak sa yaot min oh yuak rilo. Blaoh drei ba nao thaok, mek brah tahanek jeng lisei bahrau drei mbang, njauk tahanek ka nyu tisak meng paling yang hu”.

Tui adat cambat tanarakun, adat mbang akaok padai bahrau dalam bol bhap rah ra, taha akaok palei meda daa taong abih baoh sang piah ginum biai saong parabha bruk ngak ka nyu cambaih. Meng bruk pambuak gauk biak gheih di taha akaok palei haong akaok but pajaih nan ye taong abih bruk ngak rah tabiak dalam siam mekre. Urang Cơ tu peih ngak adat mbang akaok padai bahrau dalam van page, kayua saneng lac tuk nan langik tasik nyu siam di abih dalam harei./.

Urang lang:Jasi - 8/6/2021

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân