Urang bangsa takik doh tamia dalam harei patom ilamu

Harei pataom ilamo bangsa Mông mbang ka III hu mbaok di 14 tỉnh lac: Lai Châu, Thái Nguyên, Lạng Sơn, Cao Bằng, Bắc Kạn, Sơn La, Điện Biên, Nghệ An, Thanh Hóa, Hòa Bình, Tuyên Quang, Hà Giang, Yên Bái saong Đắk Lắk.

Ngan haong kadha "Khik ramik, patagok ilamo bangsa Mông, samu gauk, gul pataom, ba drei tame saong cak rok patagok ", Harei pataom ilamu bangsa Mông mbang ka III tui kuhria meda hu rilo bruk ilamo, padhih saong rivang ma-in biak gheih yau: pataom daoh tamia bhap bani ngan haong dom ragu daoh, ragam tamia bhap bini di bangsa Mông; parang iek khan ao bangsa Mông; parang iek, meyaih khan trích đoạn bruk ngak adat cambat, tanarakun saong dom kadha ma-in bhap bani di bangsa Mông; parang iek meyaih khan pandap panda ilamo saong rivang ma-in  di 14 tỉnh hu mbaok tame harei pataom; pakacah ngak har bánh giầy; parang iek “ilamo bangsa Mông dalam ilamo dom bangsa Việt Nam"; bruk ma-in padhih bhap bani bangsa Mông; peih bruk brei Kapul Famtrip (lac dom hãng du lịch dalam taneh ia) nao pasang iek bruk du lịch dalam puk palei, du lịch sinh thái di tỉnh Lai Châu…

Lingiu di nan, daok hu dom bruk daok dalam asal kadha di Harei pataom di tỉnh Lai Châu yau: Nyaom biai buh jien tame ngak mbang, Pablei salih saong rivang ma-in tỉnh Lai Châu thun 2021; parang iek, meyaih khan pandap ilamo, rivang ma-in, pandap OCOP, kaya nong puk palei di dom huyện, bal, labik ngak pandap, doanh nghiệp dalam tỉnh Lai Châu; parang iek meyaih khan pandap panda kaya mbang menyum; parang iek yaih khan pandap mbang huak, parang iek ka bhum taneh, anek manuac Lai Châu.

Mentri Ialmo, padhih saong rivang ma-in jeng hu panuac lac, meyeh jit ruak COVID-19 rah tabiak khang, mbuan njaom mbak di rilo tỉnh, ban dalam negar, tukvak peih Harei pataom meda hu ramik veik ka nyu laghaih haong bruk anak meta, ngak catang tui dom adat hukum ka pacang caga jit ruak./.

Urang lang: Jasi -3/8

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân