Patui danak dak mbang nyaom ka 3, Quốc hội mbang XV, dalam mbang ginum biai harei ini, Quốc hội pang Tổng Thanh tra Rajaei Đoàn Hồng Phong, taduan quyen di Thủ tướng rajaei puac Harak pathau khan danak dak Hukum pasang iek (pasiam veik). Hadei di nan, akaok Ủy ban hukum di Quốc hội Hoàng Thanh Tùng puac harak pathau khan bruk taong yaom danak dak hukum pasang iek (pasiam veik). Ủy viên Ủy ban Thường vụ Quốc hội, akaok Ủy ban Quốc phòng saong An ninh di Quốc hội Lê Tấn Tới puac harak langyah, pataom iek veik, ramik ngak pasiam hukum Cảnh sát cơ động. Dalam mbang nyaom tuk bier harei, dom urang QH ginum biai di kapul ka Danak dak Hukum pasang iek (pasiam veik) saong danak dak Hukum iek ruak, taong ruak (pasiam veik).

Taom gaok urang ngak di Cty TNHH Túi xách Simone (labik ngak kong Long Hậu, xã Long Hậu, huyện Cần Giuộc) ong Nguyễn Văn Được, Bí thư Tỉnh ủy Long An ndom lac, urang pan akaok tỉnh tuk halei jeng caik hatai sangka, nao gam saong iek bruk kan kandah di doanh nghiệp lac kan kandah haong gauk di tỉnh saong hu panuac ieu urang ngak tari taring ngak bruk, nyaik atah dom bruk jhak dalam xã hội, abih di nyu lac tín dụng đen. Tapa nan, urang pan akaok tỉnh hu alin hadiah 50 pok pandap brei ka urang ngak hu raidiuk kan kandah, yaok pok yaom 1 triệu đồng.

Hội đồng bhap bini tỉnh Bà Rịa-Vũng Tàu  njauk gauk brei tapa Sarak ka bruk rami ramik kadung jien buh tame dalam tukvak mbaih, vaktu 2021-2025, ka Danak dak thành phần 3 di Danak dak jalan cao tốc Biên Hòa – Vũng Tàu (tukvak 1). Dalam nan, kadung jien kanja tỉnh meda biyar 50% jien peih mbaok taneh Danak dak thành phần 3 ngan saong yaom phun jien buh tame abih tih lac 670 tỷ đồng, jalan rami ramik phun jien dalam thun 2022.

UBND huyện Long Thành, tỉnh Đồng Nai bahrau hu panuac ieu Mban Khik ramik danak dak padang ngak tỉnh Đồng Nai pabak brei gac 700 nền taneh di labik tái định cư Lộc An - Bình Sơn kayua hu rilo jang dom sang caong mai daok. Tui mBan Khik ramik danak dak padang ngak, makna tamuh tabiak bruk hu rilo jang dom sang caong mai daok kayua tuk camereip kuhria mboh lac dom sang hu harak taneh vak meng tangin jaik 20% dalam dom nền taneh nan (samu 800 nền taneh tái định cư). Min tuk dom gah chức năng patui bruk langyah dom harak vak tangin, tách hộ ye nyu tagok takik di abih tal 1.600 lô tái định cư.

Pambuak tal bruk gru Phó hiệu trưởng Sang bac THCS Long Khánh (Bến Cầu, Tây Ninh) hu urang pathau lac rampeik rapai anek saih kumei tal 9, Cục Gru pato (Mintri pato magru) hu ieu kakei Sở pato magru Tây Ninh tacei jalan ngak cambaih, langyah catang, oh padauk, plaik njaik tuk hu bruk. Dahlau di nan, akaok UBND huyện Bến Cầu hu brei padeih ngak ngan haong gru pato phaok akok sang bac 15 harei piah cang jabat chức năng ngak cambaih khau tin ka bruk ngak suan nan.

Sa urang ngak praong di Mỹ brei thau, Hội đồng bảo an Liên hiệp quốc meda samar buh phiếu ka dự thảo sarak patagok bruk taong phạt Triều Tiên kayua peih veik dom bruk cuh iek tên lửa đạn đạo. Dalam harei 25/5, Triều Tiên brei cuh 3 baoh tên lửa, dalam nan hu 1 tên lửa đạn đạo liên lục địa praong abih di taneh ia ini. Bruk ngak ini rah tabiak tok 1 harei hadei di tuk Tổng thống Mỹ tamat mbang ravang châu Á. Bilan dahlau, Mỹ hu ba tabiak sa dự thảo sarak di Hội đồng bảo an ka bruk patagok taong phạt Triều Tiên.

Gilang pariak negar Ukraine (BoU) meda pasang iek ramik veik yaom jien laba mbang camriep meng di tuk Nga peih danak dak đặc biệt di Ukraine harei 24/2. Dahlau di nan, Ukraine brei cacak jien je di tanut 10% oh kuhria tal bruk lạm phát tagok 16,4% dalam bilan 4, kayua bruk sarau kadhau saong dom bruk patakik di bruk payua jien dalam tukvak daok rahtabiak bruk mesuh gauk.

Melam bloh, sa bruk taong mbom di ban ine Kabul di Afghanistan ngak brei takik di abih 5 urang metai, 10 urang njauk rambus. Tui urang jakar pak nan, pandap patuh hu caik gah dalam 1 bục giảng di 1 sang megik Islam. Dahlau di nan, jeng dalam harei nan, 3 mbang patuh di Mazar-i-Sharif, pasak tỉnh Balkh, ngak brei takik di abih 15 urang metai saong 10 urang njauk rambus. Kapul IS nyu tabiak panuac taduan lac nyu ngak bruk nan di tỉnh ini./.

Urang lang: Thu Thảo & M.P -26/5/2022

HỆ PAPAR SAP BANGSA VOV4 BHUM BAN RAYA HCM

Labik jabat: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh

 Yam ndoc : Nguyễn Ngọc Năm
Phaok yam ndoc: Cao Thị Thoa, Trần Xuân Thân