Khan ao meng kan di urang kamei Dao bhong hu sambo màu hadah biak mekre meta, bingu hala biak karei saong daok hadah tanyak meng pandap ngak meng pariak hu pagam angaok khan, ao.

Pandap cuk hu mong lac pandap gam tui rup ngan haong urang kamei bangsa Dao bhong. Khan ao angui cuk meng kan hu pagam pariak saong pandap cuk ngak meng pariak lac sa dalam dom pandap bo amaik ame caga brei ka anek kamei tuk mai sang pasang likei. Pariak jeng lac pandap bo amaik ame gah pasang likei alin brei ka anek metau kumei bahrau.

Tui amuk Phùng Thị Tâm, palei Noong Cuồng, xã Phúc Sơn (Chiêm Hóa) – urang hu rilo thun ngak khan ao meng kan di urang Dao bhong brei thau, pariak hu pagam angaok khan ao hu hình khối, bingu ala hu ngak biak gheih. Nan lac dom jien cắc ngak meng pariak vin, baoh patuk pariak, bingu pariak, dom janih ini hu pagam angaok dua 2 blah khan bai bak angaok takoi dreh yau blah ao yếm min oh hu tangin ao. Vin val viền takoi lac khan bai bhong saong pagam tagok angaok lac dom talei bingu hu ngak meng pariak. Blah ao yếm ini hu dua binah rup anak saong likuk, taong abih dua binah ini hu pagam bingu la ngak meng pariak. Gah rup anak di ao meng viền bhong di takoi hu pagam 2 talei bingu pariak, meng takoi ao trun hu sa blah khan bai bhong piah pagam sa talei kacil pariak hu 7 - 9 baoh kacil, dalam nan angaok mbaok baoh kacil hu sarak bingu la aia bulan saong aia harei. Angaok blah yếm, ao, nduan… hu ngak mekre meng yaok rituh baoh jien xu, baoh chuông sit, baoh kacil 4 meta, kacil gul, baoh patuk, talei takuai... jeng hu ngak meng pariak. Pandap cuk meng pariak hu talei takoi, kong tangin, parik tangi, talei kacil ngak meng pariak, talei xà tích sarak bingu la biak mekre yau anek inegirai, phượng, cim brim, bingu la, pandap pandar yaok harei... Kayua yau nan ye, sa bộ khan ao lakhah meng kan pagam tui pandap ngak gheih meng pariak di urang Dao bhong hu yaom meng dom pluh triệu tal yaok rituh triệu đồng.

Tui bangsa Dao bhong, pariak langiu di ngak mekre ka khan ao meng kan, pariak daok brei mboh bruk kaya meda, trei sil saong daok piah pacang but khamot, ba mai patuah jamo. Urang halei hu rilo pariak ye hu pren yava khang kajap, gaok dom siam mekre, baoh sang kaya meda, haniem phol. Langiu di nan, urang Dao daok ndom lac pariak daok daong plaih angin, ruak yuh la-an saong rilo janih ruak karei. Kayua yau nan ye, kon pariak saong nduan pagam pariak jeng lac pandap urang prong bhian brei ka uranaih sit piah caong hu siam mekre, pren yava ka uranaih./.

Urang lang: Jasi – 26/10/2021

HỆ PAPAR SAP BANGSA VOV4 BHUM BAN RAYA HCM

Labik jabat: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh

 Yam ndoc : Nguyễn Ngọc Năm
Phaok yam ndoc: Cao Thị Thoa, Trần Xuân Thân