Urang jakar hu panuac kakei rahra njauk caik hatai tal jalan ia pandar 

Harei 20-6, mintri  Y tế hu harak payua ka Sở Y tế dom tỉnh, ban song dom jabat chức năng ka bruk patagok pathau khan pacang caga jit pandiak tabiak darah. Tui nan, mintri Y tế brei thau cambaih, meng akaok thun tal ni, dalam negar hu 52.572 urang ruak pandiak tabiak darah, dalam nan hu  36  urang metai, dut song tuk vak ni thun 2021, urang ruak tagok  74,9%, dom menuac metai rilo jang 24 urang. Bruk njauk menyai nan lac, ruak pandiak tabiak darah di negar drei rilo meng lac di gah merong, meblah 80% urang njom dalam taneh ia  song taong abih dom menuac metai lac di sang iek ruak, kayua ruak trak. Njauk caik hatai lac, dom urang ruak, urang metai tagok biak samar dalam 4 adit jiak di ni. Urang ilamu ndom lac, thun ni, dom urang ruak pandiak tabiak darah trak tagok samar, glong jang rilo dut song 2 thun dahlau, min, urak ni, jit ruak jeng oh ka tal tabung glong .  

Tui kuhria mboh, tuk vak anak tal meda yam tame dom bilan tabung glong jit ruak kayua langik pandiak, hajan rilo, lagaih ka tapon jamuk ba ruak patagok. Anak bruk ruak pandiak tabiak darah dok rah tabiak srau kadau, mbuan njom mbak dalam bhap bini song tamuh ruak lac biak praong, Mintri  Y tế hu panuac ieu Sở Y tế tỉnh, ban  di trung ương jhul khang dom bruk pathau khan pacang caga jit ruak pandiak tabiak darah lagaih song bruk anak meta di puk palei, piah ka bhap bini oh iek lap, oh duh hatai, song samar drah peih dom jalan pacang caga jit.

Piah khik pren yava ka rup drei, ka sang drei, song ka menuac urang dok jiak tapen, Mintri Y tế hu panuac ieu rahra yaok adit brei caik tabiak 10 minite piah pametai bọ gậy, lăng quăng. Gam song nan, pasang iek piah mboh song pametai lăng quăng dalam dom pandap caik ia pandar, meng bruk bhian uak rao, gum sre  dom pandap caik ia, palao ikan piah pametai bọ gậy, lăng quăng; bhian salih ia di dom klaoh bingu, buh sara atau  hóa chất pametai bọ gậy tame panyim ia pandok chân chạn, danao ikan cảnh, hòn non bộ, talam ia tathuak di tu li ar; klaak dom pandap oh pandar, pakhuak dom pandap meda caik ia oh pandar, oh brei jamuk caik meboh; ndih kamo pacang jamuk kaik tuk melam gam tuk harei, cuk khan aow tangin atah, pandar bình xịt jamuk, kem pateok jamuk, vợt điện jamuk... piah pametai jamuk song pacang jamuk kaik; kham merat pambuak song gah y tế dalam dom mbang pametai bọ gậy lăng quăng song dom mbang pruh jru pacang caga jit.

Tuk njauk pandiak, urang ruak brei nao chip tal labik y tế, piah hu iek ruak song tacei jalan tong ruak, oh eng drei tong ruak di sang./.

Urang lang: Hanipha- 25/6

 

HỆ PAPAR SAP BANGSA VOV4 BHUM BAN RAYA HCM

Labik jabat: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh

 Yam ndoc : Nguyễn Ngọc Năm
Phaok yam ndoc: Cao Thị Thoa, Trần Xuân Thân