Birau ini, rilo menuac blei pandar ieu gauk daong blei bei java ngu, haong yaom dom ribau đồng sa kg. Kayua lac bei java ngu pablei tabiak negar Trung Quốc min darak pasar ini daok padeih blei tame. Dahlau diah, thun 2017 -2018, gah raong pabui jeng lahik rilo tukvak meng pasiam veik hu yaom kaom daong ka urang nong hu laba.

Urak ini, meda lac pandik harao rilo abih lac urang pala thanh long, panat, samekai…tuk dom janih baoh kayau ini hu iew daong blei biak rilo mbang. Tui rilo urang nong brei thau, bei java ngu, samekai, panat…biak mbuan pala, phun jien takik, janih phun pala katut panak harei nan ye samar pablei hu jien, min meyah urang padeih blei, ye urang nong oh sumu duah labik pablei hu. Dalam tuk nan, urang blei tok ndem cambuai, oh hu harak pambuak bruk, bhian brei caik jien takai biak takik, nan ye biak mbuan klaak nao. Yau nan min, tui urang ngak praong di sa Sở Ngak nong saong Patagok palei pala, rilo urang ngak nong oh daok jalan halei karei lac brei pala veik, blaoh daok cang gam dom urang sanya blei min klaak nao, oh blei.

Lac sa dalam dom labik chế biến kaya nong hu ngan je di Viet Nam, dalam mbang daong blei ini, Công ty Vinamit hu blei yaok ribau tấn panat haong pa-ok, bei…daong urang nong. Piah khik hu pandap rilo, công ty brei apah biak rilo gilang la-ar piah ngak meneing mbiah tal abih. Kayua, pandap chế biến hu tukvak pandar, meyah ngak rilo ye oh hu labik pablei abih. Daok urang nong lac gah pambuak bruk di Cty jeng daok hu blei tui yaom mbaoh tangin pambuak bruk blaoh.

Ong Nguyễn Lâm Viên, Tong Yam ndok Cty Vinamit, caong khin karja brei hu sarak daong trun yaom laba jien mesraiy ka ngak nong meng 1% -2%, piah pachreih dom trang trại, doanh nghiep buh jien tame patagok dom jamraih, sang xưởng khik piah saong công nghệ chế biến.

Piah kaya nong takik labaih, tui muk Ngô Tường Vy, Phaok Yam ndoc Cty TNHH pablei baoh kayau tabiak negar langiu Chánh Thu, langiu di bruk pablei salih, doanh nghiệp njauk pambuak bruk haong dom gah piah samar thau bruk darak pasar. Yau ye, tal bilan 5 saong bilan 8, rilo taneh ia yau Mexico, Nam Phi, Pakistan…tame bilan paik baoh, jeng dom taneh ia meriak gauk biak khang saong Viet Nam. Kayua yau nan ye, DN brei kuhria veik yaok bilan pala drak.

Di rilo taneh ia, piah cak rok patagok bruk ngak nong, karja bhian buh jien tame ngak gam haong patagok cong nghe che bien meblah meng 50% -80%. Ong Trầm Quốc Thắng, Yam ndoc HTX raong pabui hacih sa-at Tiên Phong brei thau, meng rilo makna karei di gauk, rilo Cty hu pandap pablei min kurang labik pablei, kurang thau ka darak pasar piah ngak tabiak pandap ka lagaih.

Nan ye, Karja njauk quy hoạch ka pahu bhum pala, labik raong glang, taong yaom hu abih tih taphon athur raong saong abih di nyu brei sangka iek praong bruk ngak tabiak pandap tui jalan cong nghiep salih ka bruk ngak meng tangin. Tuk bruk raong glang tui jalan  cong nghiep, pandar KHCN, meda taong yaom saong pasang iek hu pandap, năng suất, jit ruak jeng yau asar di nyu…meng nan  hu dom jalan ngak lagaih piah pasiam.    

Ong Phan Minh Thông, Akok HĐQT Công ty cổ phần Phúc Sinh hu panuac caong gah ngak nong brei hu rilo doanh nghiep sit saong mbiah, bhian ngak pandap pablei tabiak negar langiu saong che bien piah ngak tuk pandap labaih, meyah tok hu dom doanh nghiep yau urak ini meda oh pabak sumu bruk nan hu./.

Urang lang: Ai Nghiem

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân