Ngak bein pabam phun gha pagam: Ruah mblang hamu taneh meluk cuah, pruh ia mbuan lagaih. Li-ua saong ngak taneh sit, lamin. Pataom mek abih hareik hareim, pambuak haong pok var ro praong 1m, glaong 20cm, jalan tathuak ia praong 25-30cm. Asar pajaih mek meng dom janih pa-ok palei. Klaak binah kanduh khang gah lingiu saong laok klaak tal pacang vil val asar.

Drak yaok asar pajaih angaok mbaok ro atah di gauk meng 2-3cm, blaoh mek haluk pacang sre asar, kapal 3cm. Puac di abih, mek halam pacang pandiak, hajan ka yaok ro pabam phun saong bhian pruh ia ka nyu pasah.

Meng 20 tal 30 harei hadei, tui langik pandiak atau hajan, asar pajaih pacah meta samu gauk ye klaak halam nilon pacang ro. Tuk phun glaong jaik 20cm, dom hala meda   angaok jhung salih tapa sambo màu hijao la-o patei, brei buac yaok phun tabiak, ba tame pala dalam kadung. Pa-ok lac janih phun đa phôi, 1 asar pajaih pala tabiak meng 3-5 phun anek. Nan ye brei buac phun taha, khang kadang tabiak dahlau, phun meda, lamin buac tabiak hadei.

Njauk caik hatai thau lac: Buac phun tabiak chip tuk caduk phun bahrau salih tapa sambo hijao (lac caduk taha), jhui caik ka phun tabiak mbang 2 meng buac tagok. Buac phun pala tagok kadung brei ngak hanjual tangin, jhui ngak ka nyu klaoh gha. Meda blei asar hu ngak kanduh blaoh meng dom labik pablei salih asar pajaih pa-ok di gah meraong, piah pala ngak pajaih hu samar saong hu rilo.

Ngak bầu buac phun gha pagam: Ruah kadung nilon jhuk praong 12 x 14 hu gilaong tathuak ia di taok kadung. Buh tame kadung haluk la-ua, srau haong khak hữu cơ vi sinh,  1m3 haluk la-ua srau haong 120 tal 150kg khak hữu cơ vi sinh.

Buh haluk srau haong khak nan tame kadung biar jang pabah kadung 2cm, hanjul tangin ba yaok phun gha pagam pala tame kreh kadung, blaoh buh haluk tame bak kadung lam sre gha phun, dak yaok kadung jaik gauk angaok mbaok ro glaong, tathuak ia. Buh khak, pruh ia khik pasah saong pacang caga halak ka bein pabam, mbiah tal tuk phun glaong jaik 1m meng brei pagam pajaih.

Pathau mikva saong taong abih gauk! Mikva saong taong abih gauk bahrau duah thau ka ilamu ngak bein saong ngak kadung tabiak phun pa-ok piah pagam. Dalam kadha “urang ngak hamu caong thau” adit hadei, harei but 30.6, kol dahlak likau khan bruk pilih ruah pajaih pa-ok saong ilamu pagam haong iek glang phun pajaih hadei di pagam blaoh. Da-a mikva saong taong abih gauk caik hatai tui pang.

Urang lang: M.Phuong -23/06/2021

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân