Tapa yaok pataom dom urang njom Covid-19 dalam dom harei camereip TP.HCM brei patah abih gauk dalam ban raya tui sarak 15 hu rilo urang njom Covid-19 dalam bhap bini min oh thau njom mbak meng hlei mai. Bruk biak haduh hatai lac dom urang nan meda hu rilo dalam dom khu công nghiệp.

Oh lac di khu công nghiệp hu urang njom Covid-19 bo di sang iek ruak , labik hu pacang paga jit Covid-19 rilo tal tani tanat min jeng njom tame hu, hu urang ngak bruk iek ruak njom Covid-19. Urak ini, hu 6 sang iek ruak di Ban raya hu urang y te njom Covid-19, nan lac  Sang iek ruak Đại học Y Dược TP.HCM, Sang iek ruak Bệnh Nhiệt đới, Sang iek ruak Nhi đồng 1, Sang iek ruak quận Tân Phú, Sang iek ruak Nhân Dân Gia Định saong Sang iek ruak Đa khoa Nam Sài Gòn.

Anak bruk jit ruak njom mbak praong, bruk TP.HCM brei paatah di gauk mbang ka 2 tui Srak 15 di Thu tuong Rajaei dalam mbang jit ini lac biak njauk. Bruk nan hu ba tabiak hadei di rilo mbang ginum biai taong yaom bruk rah tabiak, suh sah ka bruk kan kandah kayua pa-atah gauk dalam bhap bini ngan saong raidiuk di bhap bini saong bruk ngak tabiak pandap panda, pablei salih di doanh nghiep. Nan lac bruk var klak kein laba anak meta piah khik caga kein laba suai lavik, dui atah jang “tuvak ameh” piah duah urang, khik pacang bruk tamuh tabiak di jit Covid-19.

GS-TS Nguyễn Tấn Bỉnh, Yam ndoc Sở Y tế TP.HCM mboh lac, dalam tukvak pa-atah xa hoi, takik taom gaok yau nan ye virus oh njom mbak tabiak praong, bo tok njom tapa gauk dalam baoh sang, puk paga, jabat ngak bruk. Min, jit ruak njom tame dalam bhap bini gam haong njom mbak dom urang dalam kapol truyen giao: “ Bruk rilo urang njom mbak dalam ban raya khol drei mboh lac jit meda njom mbak tame ban raya meng akaok bilan 5, tukvak hadei harei padeih lễ, ruak njom mbak takik di nyu lac meng 2 tal 3 chu kỳ, hu dom chuoi njom mbak meng 4 -5 chu ky”

Tui Thứ trưởng Mentri  Y tế Nguyễn Trường Sơn, dui atah dua adit tra pa-atah di gauk nan lac bruk njauk ngak piah pacang cakak jit. Meyah ngak siam dom bruk ba tabiak ka bruk paatah di gauk meda daong takik njom mbak Covid-19 dalam bhap bini, daok ngak oh njauk meda jeng bruk kan kandah paraong dalam pacang caga jit Covid-19. Bhap bini TP.HCM oh ngak njauk tui dom sarak di TPHCM saong di Rajaei ye dom siam lagaih meda nao tapa saong bruk pacang caga jit jeng kan kandah jang tuk halei karei:“ Meyah dalam dua dit ini oh ngak siam, daok caik brei urang taom gaok oh pa-atah di gauk, pataom rilo manuac, dom radaih công cộng daok peih ban glai ban klo ye bruk njom mbak dak  glaong jang. Dalam 2 adit tal, meyah khol drei oh ngak njauk tui dom sarak di ban raya jeng yau di Rajaei ye dom siam lagaih nan meda nao tapa”

Taong yaom ka bruk jit ruak urak ini,  urang ilamu gah dịch tễ ka ruak njom mbak Trương Hữu Khanh, Sang iek ruak Nhi đồng 1 TP.HCM mboh lac, dom urang njom Covid-19 hu mboh dalam bhap bini yau ye gah angaok mbaok di Covid-19 di TP.HCM.  Ini lac bruk kan kandah biak praong kayua F1 brei daok karei dut iek suai mboh duong tinh ye F2 dalam bhap bini jeng F0 blaoh min oh samar thau. Bruk nan rah tabiak dalam pacang caga jit di mbang pa-atah gauk dalam xa hoi meng blaoh di Ban raya: “ Bruk praong di abih lac drei dut iek mboh F1 dak aval dak siam, meyah drei dut mboh F1 am tinh ye dom urang F2, F3 oh ka njom mbak hu. Nan ye, drei brei dut iek samar mboh hu F1, daok meyah oh sumu ye urang F0 daok gah langiu ba ruak njom mbak bak abih.”

Anak meta mboh lac F0 dalam bhap bini daok ralo, kayua yau nan ye bruk bhap bini takik taom gaok gauk hu makna biak praong dalam. Dalam tuk gah chuc nang daok kham merat haong rilo jalan piah  tuk brei pa-atah di gauk dalam xa hoi, duah hu rilo urang njaom mbak, samar pacang cakak mbrukk njom mbak ye bhap bini tuk taom gaok gah langiu brei ngak tui 5 paka di Mintri Y tế. Gam haong nan, brei patagok bruk khik kajap salamat, daok atah di gauk takik di nyu labaih 2 met haong menuac oh bhian randap. Meyah oh hu bruk hagait, ye gauk gar jeng brei takik taom gaok piah plaih  njom mbak ruak./.

Urang lang: A. Nghiem -23/6/2021

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân