Urang brei panuac di Mintri Ngoại giao Lê Thị Thu Hằng brei thau thau, passport vaccine di Việt Nam hu 10 taneh ia brei pandar, lac: Nhật Bản, Mỹ, Anh, Australia, Ấn Độ, Belarus, Campuchia, Philippines, Palestine saong Maldives. Urak ini Việt Nam jeng brei pandar passport vaccine, atau harak chứng nhận tạm thời di 79 taneh ia saong bhum taneh. Ini meda lac jalan peih tabiak ka urang negar langiu tame Việt Nam meda trun manieng tukvak brei daok karei pataom gauk trun daok 3 harei saong dui kpatut viek tukvak brei daok karei ka urang hu klauk ginup vaccine COVID-19 atau thit ruak COVID-19.

Anak bruk ban raya  Hồ Chí Minh hu urang njom biến chủng Omicron, ong Phạm Đức Hải, pHaok akaok mban Tuyên giáo Thành ủy, PHaok mban tacei jalan pacang caga jit  COVID-19 song pasiam veik  kinh tế ban raya hu panuac ieu bhap bini jhui suh sah, jhui duh hatai rilo. Ban raya dok peih ngak samu gauk dom jalan ngak piah pacang biến chủng ni. Ban raya hu panuac ieu bhap bini biak bình tĩnh, min, jhui iek lap, patui bruk ngak njauk tui 5 paka di mintri y tế song klauk  vaccine ginup. Urak ni, ban raya oh salih hagait karei ka dom bruk uan raok Tết. Dom bruk yau jalan bingu Nguyễn Huệ, jalan tapuk  Nguyễn Văn Bình, hội hoa Xuân…dok hu peih ngak tui bruk batabiak.

Hadei di 18 thun ngak bruk, Kadung jien bac "Brei ka adei tal sang bac" di  Công ty Ajinomoto haong dom gah pambuak bruk hu alin 5.546 paok jien bac yaom labaih 5 tỉ đồng tal dom anek saih tỉnh Đồng Nai. Dalam thun bac 2021-2022, kadung jien bac hu alin 400 paok jien bac yaom 440 triệu đồng ka dom anek saih kan kathaot yam tagok dalam bac da-a di Đồng Nai. Ini lac bruk ngak daong pabak prein, pachrieh bac, dom adei kham marat yam tapa kan kandah di anak mata piah pamaong tal bruk bac da-a hu siam jang.

Gah du lịch Bình Thuận dok jhul khang dom bruk kích cầu, dalam nan sangka  paglong chất lượng bruk ngak; batabiak pandap rilo janih. Jalan ngak di dom pandap du lịch tuk Tết nguyên đán thun ni di  Bình Thuận lac du lịch “hajao siam mekre”, khik kajap bruk di tuai song trak gah padeih padei, iek glang pren yava. Taphia di nan, du lịch Bình Thuận pamong tal ngak bahrau pandap ka tuk vak pasiam veik hadei di jit  COVID-19, yau padang ngak rilo pandap du lịch hajao, pambuak gauk di dom puk palei song jabat lữ hành. Dom salih bahrau ni dong ka doanh nghiệp ngak bruk du lịch khang hatai peih ngak dalam tuk pasiam veik, abih di nyu nan lac  dalam tuk Tết Nguyên đán sak Rimong 2022.

Sang iek ruak Đa khoa Trung ương Cần Thơ bahrau ba tangin tame gah dalam rak darah, daong plaih di metai ka urang ruak njaom SARS-CoV-2 gam pacah rak darah glo akaok biak trak, mbuan metai. Urang ruak nan, lac kumei ndih tapui thun 1983, daok di Hậu Giang, tame sang iek ruak harei 5/1 tuk darah tagok glaong, pandik akaok, dương tính haong  SARS-CoV-2. Urang ruak daok taong ruak tagok darah. Harei 14/1, urang ruak hu tacei brei thaot binguk saong mboh labik rak darah daok raak praong. Dom bác sĩ brei palao tame 3 vòng xoắn kim loại pacang abih labik daok raak praong. Bruk nan ngak hu siam mekre hadei di 1 mon. Urak ini urang ruak daok thau kadrei, ndom biai nao mai hu siam, bruk diukrai mboh hu tani tanat, gam haong nan, bruk taong ruak COVID-19 daok hu siam tagok, hu tui iek saong taong ruak di Khoa Đột quỵ.

Mesup ni (tui mon negar Japon), Rajaei Japon  song rajaei  Mỹ njauk gauk batabiak  Tuyên bố chung ka Hiệp ước oh ba tabiak  vũ khí hạt nhân, kham merat pamong tal bruk pacang cakak  ba tabiak song klaak abih vũ khí hạt nhân. Panuac nan hu Rajaei 2 taneh ia  ka bruk njauk pacang cakak mesruh hạt nhân, rik dong khik ramik sa dunya oh hu  vũ khí hạt nhân. 2 taneh ia jeng njauk gauk lac kham merat hu mbaok tame bruk klaak abih, meda pasang iek, oh meda  ngak karei haong tong abih vũ khí hạt nhân di Triều Tiên.

Thủ tướng Thái Lan Pra-dút Chan-ô-cha brei thau lac, oh hu bruk ramik veik rajaei atau ieu sa mbang pilih ruah aval hadei di tuk 20 nghị sỹ njauk ba tabiak truh đảng par quyền Pa-lăng Pạ-cha-rát. Thủ tướng Thái Lan brei thau, ni lac bruk di đảng saong ong jia lac đảng par quyền daok kham marat mai ngak bruk gilac viek yau yaok harei. Phó thủ tướng Thái Lan jeng brei thau lac rajaei taneh ini daok dang anak bruk oh khang kajap, min bruk klaak Hạ viện saong ieu sa bruk  pilih ruah bahrau oh njauk lac jalan ngak.

Dom mbang pajeng pandap dong dok samar hu pajeng tal  Tonga piah pabak panuac ieu  dong samar meng rajaie  palao Thái Bình Dương hadei di tuk gaok 2 mbang bala ceik pui song riyak khang jiak di ni. Dom mbang par camereip pabak ia saat, jamriak điện, lều trại ndih dok, pandap mbang menyum, song thiết bị piah ndom biai nao mai meng Australia song  New Zealand, Nhật Bản hu tal Tonga. Rilo taneh ia, kapul nyaom dunya jeng hu panuac sinya dong chip piah Tonga samar pasiam veik dom khut tayah meng bala kayua ceik pui song riyak khang./.

Urang lang: Thu Thảo & H.Pha – 21/1/2022

HỆ PAPAR SAP BANGSA VOV4 BHUM BAN RAYA HCM

Labik jabat: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh

 Yam ndoc : Nguyễn Ngọc Năm
Phaok yam ndoc: Cao Thị Thoa, Trần Xuân Thân