Mentri Thông tin saong Truyền thông birau ba tabiak bộ quy tắc ứng xử angaok mạng xa hoi, kakei lac urang brei pandar angan je biak di drei, oh ba khaw tin ngak jhak angan je; kapol nyaom, urang brei ba dom khaw tin njauk hu, jia hu; brei ndem meyai lagiah saong jalan diuk rai ilamu meng kan mai di bangsa Viet Nam. Oh ba dom asar kadha suan hukum, dom  panuac meyai ngak kanyak jhak tal angan je, mbaok meta, pambak tal quyền jeng yau kein laba di dom kapol nyaom, urang karei; oh ndem puac kanjak…ngak manuac sia haduh hatai.

Pagam tal bruk klauk jru  vaccine Covid-19 praong dalam negar saong lac praong abih kuhria meng dahlau mai, Mintri Y tế brei thau,  bruk klauk hu peih ngak di tong abih dom  xã, phường, ban sit. Oh lac peih ngak di dom labik hu peih meng lavik ni mai  bo dok hu dom labik klauk jru  lưu động di dom sang mac, sang bac song dom labik karei karei . Urak ni mintri y tế brei ngak  Sổ sức khoẻ điện tử ka menuac urang. Sổ sức khoẻ điện tử ni  hu  đồng bộ hoá song bruk klauk jru song brei thau ka dut iek, ngak cơ sở dữ liệu piah pamong tal bruk pandar passport vaccine.

Labaih 836.000 mbang vaccine, dalam nan hu 786.000 mbang kayua Nhật Bản daong brei meda hu ba tame pandar klauk jru caga ruak di Ban raya HCM meng harei ini (19/6), meblah 86% dalam taong abih vaccine brei pandar dalam mbang ini di negar. Sở Y tế Ban raya HCM brei pataom tame klauk jru caga ruak ka dom urang brei klauk dahlau di Sarak 21 saong ka urang ngak di dom khu chế xuất, khu công nghiệp. Gah y tế peih labaih 1.000 labik klauk jru, kuhria abih tih klauk hu labaih 200.000 urang dalam sa harei.

Mintri pato megru bahrau hu harak payua ka  akaok  Ủy ban bhap bini dom  tỉnh, ban ka bruk  peih mbang pakacah tamat  THPT thun  2021 dalam tuk jit ruak. Tui nan, mbang pakacah ka sa ni hu peih ngak dalam 2 harei 7 song  8/7; mbang pakacah ka 2 brei ka dom thí sinh gaok kan kandah kayua jit  Covid-19, di nyaom F0, F1, F2, atau dok dalam bhum dok njauk pacang cakak. Mintri meda patabiak vaktu pakacah mbang ka 2 iek tui panuac caong di dom tỉnh ban

Uỷ ban palih ruah tỉnh Bình Dương brei thau tui kuhria puac bilan 6 thun 2021 brei thau Sarak brei angan urang tame HĐ bhap bini tỉnh saong brei ginum biai mbang akok meti HĐ bhap bini tỉnh khóa birau. Bruk oh ka brei angan thau urang gam tame HĐ bhap bini tỉnh pambuak tal bruk ngak suan hukum birau hu  Ủy ban Kiểm tra Trung ương brei thau. Tui nan, dalam 72 urang gam tame hu 2 urang pambuak tal dom bruk suan di Ban Thường vụ Tỉnh ủy vaktu 2015-2020, lac Chánh Thanh tra tỉnh saong Bí thư Thành ủy Thủ Dầu Một. Dahlau di nan, Hội đồng palih ruah negar oh taduan tư cách urang Quoc hoi ngan saong ong Trần Văn Nam- Bí thư Tỉnh ủy Bình Dương.

Mban khik ramik danak dak kayua gilang pariak dunya (WB) pal akaok  oh taduan jao harak mbaoh tangin pambuak bruk sa danak dak cáp ngầm yaom  72,6 triệu USD di  Thái Bình Dương ka dom  công ty Trung Quốc, hadei di tuk rajaei  di labik  Thái Bình Dương sangka tal panuac khan di  Mỹ lac bruk caik ka  công ty Trung Quốc hu mbaok tame danak dak jeng lac ngak jhak  ka  an ninh. Tui Reuters, jalan  cáp ngầm nan, piah dong patagok brukbrei thau nao mai di dom palao kaoh  Nauru, Kiribati song Liên bang Micronesia, pabak  ka bruk nao mai ala ia song pren khang khik piah  dữ liệu prong jang rilo  dut song  vệ tinh.

Nhật Bản brei ralo abih lac 100 ribau urang tame maong iek dalam dom mblang vận động tuk peih Olympic Tokyo kayua huac Thế vận hội bilan hè meda ngak tamuh jit ruak Covid-19 birau. Dahlau di nan, tapa duah thau di rayo papar binguk NHK dalam bilan ini brei mboh, 32% njauk hatai bruk brei takik veik meuac tame maong iek dom mbang pakacah, 29% oh khin brei urang tame iek saong 31% caong khin brei padeih Thế vận hội.

Jabat patagok dunya Hoa Kỳ meda brei padeih danak dak dong ka  Campuchia piah khik ramik labik  khik caga athur glai  Prey Lang, prong labaih  3.600 kilomet vuông, sa dalam dom labik  glai prong abih di Đông Nam Á. Makna lac kayua bruk jah tak glai .dui atah song karja takik ngak khang dalam bruk pacang cakak. Meng thun 2016 mbiah tal ni labik khik ramik athur glai Prey Lang lahik labaih  38.000 ha glai, samu  9% taneh pacang meon./.

Urang lang: A.Nghiem – H.Pha - 19/6/2021

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân