Urang dok labik pacang veik njauk ngak tui 5 paka 

 

Bhap bini daok dalam dom labik pacang veik, brei ngak njauk  tui dom bruk yau hadei ini, daok meyah ngak suan, meda njauk taong phạt jien atau cap caik guk.

Dom bruk njauk ngak tuk daok dalam labik  pacang veik:

- Ngak njauk tui tacei pato di karja pak nan.

- Ngak siam bruk daok krei pa-atah gauk di sang

- Ngak njauk tui 5 paka di Mintri Y tế tuk tabiak truh sang

- Brei 1 urang lambaok nao blei pandap mbang, huak

- Puh, ramik hacih sa-at sang danaok

- Tame daong dom bruk di labik pacang veik (meyah hu karja ieu pataom, jak ba)

Dom bruk oh njauk ngak:

- Oh pataom rilo menuac (kuhria gam ndam metai, adat cambat agama)

- Oh pataom gauk jeng darak pasar, pablei salih pandap pandap (pandap mbang, huak, pandap oh kurang hu dalam raidiuk yaok harei brei hu adat di karja)

- Oh taom gaok tapak haong urang karei langiu menuac di sang drei.

Karja pak nan brei khik iek catang piah pacang njom mbak dalam labik pacang veik. Ngan saong dom urang F1 oh hu labik daok karei di sang, ye ba nao tal dom labik daok karei di Quận saong ban raya. Dalam tukvak tapa, jeng daok hu rilo labik ka oh ngak catang bruk pa-atah gauk di menuac haong menuac, sang haong sang dalam labik pacang veik, nan ye ba tal njaom mbak tapa gauk dalam bhap bini. Tuk kol drei pacang veik, hu paga pacang gah lingiu, min gah dalam daok taom gaok gauk, bruk nan lac jalan tamuh tabiak dom urang ruak bahrau, saong tui nan bruk njaom mbak lac biak samar./.

Urang lang: Mousaphuong- 1/8

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân