Jalan hu tuh betong tapak nao mai mbuan lagaih

Yaom lac njauk kan kandah rilo kayua jit  COVID-19 min dalam thun 2021, gah ngak nong di  huyện Vĩnh Cửu jeng dok khik hu tanut tagok labaih  4,7%. Bruk kinh tế - xã hội patagok, an ninh trật tự hu khik kajap, bruk ngak mbang ngak huak saong hatai sahneng di bhap bini hu paglong. Jien mek tame kuhria tui akaok menuac dalam huyện hu 162 triệu đồng sa urang sa thun

Huyện hu dom takai yam tagok biak khang dalam padang ngak palei pala bahrau, lac labik hu  xã mek hu tanut palei pala bahrau kiểu mẫu camereip abih di tỉnh. Urak ni, dalam huyện hu  8 dalam 11 xã ngak salah bruk palei pala bahrau paglaong; 6 xã daok padang ngak palei pala bahrau  kiểu mẫu, dom tanut mek hu meng  9-16 tanut. Dalam thun meng bloh, huyện padang hu 5 labik  dok  kiểu mẫu lac jalan lagaih piah ka huyện patui jalan padang ngak palei pala bahrau kiểu mẫu dalam tuk vak anak tal. Tui nan, Vĩnh Cửu kham merat mek hu samar bruk padang ngak  huyện palei pala bahrau  paglong dalam thun 2023.

Tui  ong Nguyễn Tấn Phước, Phó bí thư thường trực Huyện ủy Vĩnh Cửu, yam tagok meng labik biar, min meng khang hatai, ieu pataom abih gah piah peih ngak. Dalam nan, pren di bhap bini hu ieu pataom glong di abih, bhap bini pachreih tui, nan ye, bruk padang ngak palei pala bahrau hu peih samar drah. Vĩnh Cửu lac sa dalam dom huyện ba akaok nao dahlau di  tỉnh peih bruk ngak nong tui jalan hữu cơ; tacei pato bhap bini pandar dom jalan ngak bahrau dalam pala drak. Huyện daok brei peih prong danak dak ni piah ngak brei boh kayau hu  chất lượng glong, pabak ka bruk pablei tabiak negar langiu.

Ong Cao Tiến Sỹ, yam ndoc  Sở ngak nong song patagok palei Đồng Nai brei thau, Vĩnh Cửu lac labik hu taneh prong abih dalam tỉnh, min, taneh taneh ngak nong biak takik. Yau nan min, dalam thun  2021, yaom kaya nong, kaya glai, kaya ikan di  huyện hu labaih  1,8 ribau tỷ đồng, tagok  4,7%, glong jang sarak di huyện. Jeng huyện camereip abih di  tỉnh hu tanut tagok prong jang  tanut tagok kuhria rah tapa di tỉnh. Hu jak jeng yau nan, lac kayua Vĩnh Cửu hu pataom tame patagok bruk ngak nong  hacih saat, ngak nong hữu cơ song chế biến kaya nong hữu cơ, lac labik hadah hadai, tuk vak tapa huyện hu kham merat peih ngak.

Ni jeng lac huyện dang akaok ka bruk padang ngak palei pala bahrau  kiểu mẫu di tỉnh. Tukvak tapa, huyện kham merat piah padang ngak hu dom labik dok kiểu mẫu bahrau, hu jalan ngak karei di gauk. Min, dalam bruk peih ngak dom tanut palei pala bahrau paglong, palei pala bahrau kiểu mẫu, Vĩnh Cửu dok gaok dom kan kandah  ka tanut ia hacih saat, salih taneh ngak padai, buh jien tame ka sang bac, song abih di nyu nan lac kurang kapul  y, bác sĩ, kan dui pachreih hu urang jakar urang ngak mai huyện ngak bruk.

Thau lac padang ngak palei pala bahrau brei tame dalam labik praong, paglong rai duik mbang ngui, hatai sahneng  di bhap bini , bhap bini mboh cambaih hu yaom glaong di palei pala bahrau, nan meng lac jalan jak jeng dalam bruk padang ngak palei pala bahrau di Vĩnh Cửu. Bruk daok kham merat pamaong tal di vĩnh cửu lac mek hu tanut chuẩn huyện palei pala bahrau paglong  dalam thun  2023 song tal thun  2025 hu meng  02-03 xã mek hu chuẩn palei pala bahrau kiểu mẫu song rilo labik dok palei pala bahrau kiểu mẫu./.

 Urang lang: Hanipha- 18/1

 

HỆ PAPAR SAP BANGSA VOV4 BHUM BAN RAYA HCM

Labik jabat: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh

 Yam ndoc : Nguyễn Ngọc Năm
Phaok yam ndoc: Cao Thị Thoa, Trần Xuân Thân