Anak bruk jit ruak Covid-19 rah tabiak sraw kadau, Cong ty pakao hala Sài Gòn - dhar Ninh Thuận hu padang mban tacei pato pacang caga jit Covid-19, padang jalan brei thau pambuak haong jabat y te piah paglong siam lagaih bruk pacang caga jit Covid-19 di Cong ty. Taong abih urang ngak saong tuai tame Cong ty brei cuk pataih pacang pabah, brei thau y te, dang atah di gauk, rao tangin meng ia jru pametai anek ruak saong oh pataom rilo manuac. Sa-ai Bùi Thu Hiền, Akok Cong ndoan - Cong ty pakao hala Sài Gòn - Dhar Ninh Thuận brei thau:“Dom bruk halei praong njauk ginum biai, khol dahlak meng peih tabiak min brei takik menuac hu mbaok. Daok veik khol dahlak brei padeih. Bruk mbang huak var jala pandiak, mbang kreh ka di labik, brei daok atah di gauk. Brei ngak tui 5 paka di Mintri Y tế, taong phat dom urang oh ngak njauk. Khol dahlak daok brei peih praong pasang iek tal menuac dalam sang urang ngak. Dom menuac dalam sang mai meng labik hu jit ruak brei khan ginup”.

Doanh nghiep ini jeng kuhria tal bruk salih jalan ngak dalam tuk khik brei salamat bruk pacang caga jit piah hu bruk caga ka urang ngak, pandap ngak tabiak saong jien padai. Dalam tuk jit ruak rah tabiak khang, D.N ini brei ka urang jakar, urang ngak padeih di harei Suk, harei Sanecar saong harei som yaok adit piah takik pataom rilo urang ngak di cong ty min jien mek tame di  yaok urang jakar, urang ngak jeng daok hu 13 trieu meteh sa urang sa bilan. Ong  Nguyễn Duy An - Akok xưởng ngak tabiak pandap, Cong ty pakao hala Sài Gòn, Dhar Ninh Thuận brei thau: “Dalam bruk ngak tabiak pandap, khol dahlak brei pa-atah di gauk di yaok dây chuyền. Urang ngak brei pa-atah di gauk 2 met. Khol dahlak brei ngak tal halei blaoh tal nan. Dalam 4 dây chuyen ngak pandap, khol dahlak brei padeih 2 dây chuyen piah ka urang ngak hu dang atah di gauk”.

Ngan saong dom D.N hu urang ngak bruk yaok harei labaih 1.000 urang yau Cong ty TNHH Thông Thuận jeng hu jalan ngak catang tui dom bruk ba tabiak pacang caga jit. Abih di nyu lac bruk pa-atah di gauk dalam tuk ngak bruk di urang ngak. Langiu di nan, doanh nghiệp daok hu rami ramik tukvak mbang huak, ngak bruk piah plaih pataom rilo menuac di Cong ty. Ong Võ Duy Chung, Yam ndoc Nhân sự - Cong ty TNHH Thông Thuận khan lac: “Thông Thuận yaok harei hu meng labaih 1.200 tal 1.300 urang ngak. Bruk pasang iek tui jalan caga meng atah. Duah thau tapa dom urang pan kaok kapol urang ngak nao tui dom radaih taduan raok urang ngak meng dom labik mai. Yaok labik meng 40 tal 45 urang ye hu sa urang dang kaok khik iek. Tuk tame pabah mbang Cong ty brei dut iek pandiak dalam rup, rao tangin hacih. Meyah mboh patuh saong pandiak ye Cong ty brei nao sang chip, oh brei tame ngak”.

Piah ka doanh nghiep ngak bruk hu tani tanat, langiu di bruk paglaong hatai sahaneng di po doanh nghiep ye praong di abih lac hatai sahaneng di bhap bini, urang ngak pambuak haong bruk pacang caga jit meng labik ngak bruk saong tuk gilac veik mai sang, ngak habar piah khik kajap dua bruk haong gauk lac, gam pacang caga jit hu siam, gam patagok bruk ngak tabiak pandap panda, ngak mbang pablei salih di doanh nghiep./.

Urang lang: A.Nghiem -18/7/2021

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân