Urang nong hu tacei ba ilamu rong hadang 

Di huyện biên giới Tân Hưng, tuk yaom ikan pra pajaih daok di tanut glaong, urang nong jak gauk kuac danao raong ikan, gaok tuk mblang taneh tagok tal 1.700ha. Yau nan min, tok hu sa tukvak katut panak, yaom ikan pajaih laik trun khang, rilo baoh sang khat lahik nan ye lam danao raong ikan pajaih piah ngak veik padai, pala njam patam, atau eng drei salih tapa raong hadang takai mbong dalam bhum aia taba.

Tui yaok pataom, di 5 huyện dalam tỉnh Long An lac Tân Hưng, Mộc Hóa, Tân Thạnh, Thạnh Hóa saong Kiến Tường, hu 122 baoh sang raong hadang takai mbong ngan haong mblang taneh praong 215ha. Sa-ai Nguyễn Văn Thuận, daok di xã Tân Lập (huyện Mộc Hóa) brei thau, meyah yaom hadang takai mbong jaik 140.000 đồng sa kg, ye tok buh phun jien tame jaik 500 triệu đồng angaok danao praong labaih 1ha, hadei di 3 bilan, kaoh abih jien buh tame, urang raong laba hu 300-400 triệu đồng, glaong jang rilo mbang dut haong pala padai.

Kayua raong dalam bhum aia taba, nan ye dom baoh sang jeng kuac bingun kaoh (meng 30-40m) piah mek aia mbak atau pandar SARA piah patagok độ mbak ka danao raong hadang. Dom baoh sang rilo meng palao anek pajaih biak rilo, meng 100-300 drei sa m2. Tui ong Lê Thành Yên, Phaok akaok UB bhap bani huyện Tân Hưng, tapa pasang iek di urang jakar, bruk raong hadang takai mbong tuk akaok mereip mboh biak laghaih,dom sang raong rilo meng hu laba glaong.  

Yau nan min, bruk raong ini tamuh tabiak eng dalam bhap bani, karja puk palei oh brei adat kuac bingun piah mek aia mbak raong hadang, ngak oh siam tal alam môi trường. Kajar puk palei jak ba mikva oh kuac danao bahrau, bo salih meng dandao raong ikan pra pajaih tapa raong hadang takai mbong dalam bhum aia taba. “Ngan haong dom baoh sang caong khin salih meng danao raong ikan pra piah raong hadang, ye karja palei khang hatai pacang veik. Daok dom baoh sang loa raong dalam tukvak tapa, karja palei brei pasang iek gilac, pacap bhap bani mboh tangin tame harak sanya lac mek pablei blaoh oh daok raong tra. Karja palei meda cakak điện oh brei raong veik”, ong Lê Thành Yên ndom lac yau nan.

Tui Sở Ngak nong saong patagok palei pala tỉnh Long An, bruk ba hadang takei mbong tame raong di bhum aia taba oh laghaih ka gah sinh học, bruk cak rok patagok di bhum taneh. Kadha ini meda ngak brei kanjah jhak di anak meta saong suai lavik, oh siam tal halau aia ala taneh kayua pandar biak rilo, ngak kurang aia dalam bilan thu, glut jaleih taneh… Kayua YAU nan ye, sở hu pok panuac tagok UB bhap bani tỉnh patui veik tacei pato oh brei adat raong hadang takai mbong dalam dalam bhum aia taba hu pandar sara, kuac bingun mek aia mbak piah ngak jeng labik aia meteh mbak, meteh taba raong hadang./.

Urang lang: Jasi -12/5

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân