Patui bruk cak rok patagok di 6 bilan akok thun ini, nyaom pandap cong nghiep che bien che tao saong kaya nong, kaya glai, kaya ikan daok lac 2 janih praong di bruk pablei tabiak negar langiu di Viet Nam 6 bilan puac thun, nan lac panuac khan di jabat khik iek karja saong urang ilamu kinh te. Ong Nguyễn Anh Dương, Akok mban Roh duah tổng hợp, Viện Roh duah khik ramik kinh tế negar, tacei tabiak ka bruk pasiam veik kinh te dunya saong bhum taneh daok rah tabiak, dalam nan Mỹ saong EU lac dom darak pasar praong di Viet Nam tuk camereip pacang hu jit, lac jalan piah kinh te hu pasiam veik. Sa darak pasar praong karei di Viet Nam lac Trung Quốc jeng daok siam veik. Tui ong Nguyễn Anh Dương nan lac dom bruk meng gah langiu, labik ka Viet Nam jhul patagok bruk pablei pandap tabiak negar dalam tukvak anak tal:“Birau ini, dom kapol nyaom praong gah ngak samartphone yau Apple, Samsung jeng kuhria mboh dahlau lac bruk pablei phone tangin dalam 6 bilan puac thun meda hu biak rilo. Yau nan, bruk caong blei, bruk pasiam veik inh te di dom taneh ia lac hu paje; ka dua lac dom pandap pablei tabiak negar langiu pambuak tal điện, điện tử di Viet Nam jeng meda lac dom bruk lagaih piah siam veik”.

Ndem ka bruk Viet Nam gilac veik blei meng negar langiu tame biak rilo dalam 6 bilan  akok thun, hadei di tuk pablei pandap tabiak negar langiu biak rilo dalam 4 bilan akok thun saong dalam 5 thun dahlau, Viện Roh duah khik ramik kinh tế negar  mboh lac oh huac, kayua dom  nyaom pandap pablei tabiak negar langiu 6 bilan tapa brei mboh lac, Viet Nam blei tame ralo meng lac pandap piah ngak tabiak pandap pablei ka negar langiu, tui kuhria dahlau tagok 36,7% dut saong tukvak ini thun dahlau. 

Anak dom suh sah ka jit ruak Covid-19 njom mbak tame dom labik ngak kong, doanh nghiep, labik ngak pandap pablei tabiak negar langiu praong di dom tỉnh Bắc Ninh, Bắc Giang, Hải Dương saong dom tỉnh gah Meraong yau TP.HCM, Đồng Nai, Bình Dương…ngak trun bruk pablei tabiak negar langiu di dom gah pandap công nghiệp chế biến, chế tạo dom bilan jaik ini, ong Trần Thanh Hải - Phó akaok Cục XNK, Mentri Công Thương, lac:“ Urak ini, khol drei daok tui iek jit ruak daok ngak kan kandah tal halei, min khol dahlak jia lac mbang jit ini meda pacang cakak hu dalam 1 tal 2 bilan tra. Tapa mbang jit meng blaoh, yaom lac hu kan kandah takik atau rilo min urak ini dom sang mac di Bắc Ninh, Bắc Giang hu peih ngak veik saong kham merat jhul khang bruk ngak tabiak pandap piah pabak bruk kurang di 2 bilan meng blaoh”.

Dom urang ilamu langyah gah kinh te jeng jia lac meng kham merat di Viet Nam dalam bruk klauk jru vaccine, bruk pablei salih tame tabiak negar  di Viet Nam meda hu hadah hadai dalam tukvak anak tal tuk bruk caong blei pandap panda di darak pasar dunya daok hu siam veik, dom hiệp định pablei salih tự do (FTA) bo Viet Nam hu mbaok tame dak harei dak hu peih ngak siam jang, lagiah jang. Urang ilamu gah kinh te, Tiến sĩ Nguyễn Minh Phong mboh lac:

“ Khol drei hu rilo jalan lagaih piah peih praong bruk pablei tabiak negar lingiu, biak siam lac khol drei pablei hu biak rilo dalam 3-4 bilan dahlau saong pambak tame bruk pandar dom paka di FTA rai birau, ini lac dom bruk siam lagaih. Langiu di nan, asar siam di pandap pablei tabiak negar langiu jeng hu daong ka khol ka khol drei tame hu dom darak pasar praong. Tui jalan ngak nan, bruk ngak tui dom  FTA rai birau dalam tukvak anak tal lac bruk biak praong. Bruk brei thau cambaih dom jalan patrun jien je, dom bruk daong ngan saong dom bruk kinh te meng dom FTA rai birau ini, lac bruk njauk ngak.”

Di mbang nyaom Rajaei bilan 6, Thu tuong Rajaei Phạm Minh Chính hu tacei tabiak cambaih laih lac, brei parilo darak pasar negar langiu, padang ngak saong khik caga angan je, paglaong asal dom janih pandap hu prein khang di drei, abih di nyu lac kaya nong, njam patam, baoh kayau..piah patui bruk peih praong darak pasar, pandar dom kein lagaih di dom FTA hu mbaoh tangin blaoh. Meng nan, khik hu bruk pablei salih sumu gauk, khang kajap saong hu jalan khik caga bruk pablei salih ka nyu lagaih./.

Urang lang: A.Nghiem  12/7/2021

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân