VOV4.Bahnar - Kơ dră tơm Iran IEbrahim Raisi oei năm hơ pong tơ̆ Nga mă blŭng, iŏk đơ̆ng năr iŏk kơ chư̆k lơ̆m khei 8 sơ năm sơ̆. Tơ̆ jơ pơ ma đam hăm bơ ngai jang kơ chư̆k lei lăi kơ Iran, Kơ dră tơm Vladimir Putin pơ ma hơ dăh, Nga oei jang hơ doi kơ jăp hăm Iran vă sek tơ lang dôm tơ drong mă tơ pôl lơ̆m apŭng plenh tĕh oei tơ jră. Lơ̆m nŏh tơ gŭm ăn trong jang đơ̆ng Iran găh tơ drong drơ̆ng nơ̆r hat nhân sơ năm 2015 hăm dôm tĕh đak tih lơ̆m apŭng plenh tĕh.

Tơl plơ̆, Kơ dră tơm IEbrahim Raisi akhan, tơ drong pơ vei Iran păng Nga kơ jăp đunh păng tôch gĭt kăl. Iran vă hơ tŏk tơ drong pơ vei jang hơ doi gĭt kăl hăm Nga găh tơ drong jang mŭk drăm păng dôm trong jang nai vă tơ jră plơ̆ dôm tơ drong phak đơ̆ng Mi.

Dơ̆ng: Tơ blơ̆