Năr tơmơ\t: 28/6/2022

 

VOV4.Bahnar - Kơsơ̆ năr 27/6, Kơdră chĕp pơgơ̆r Kuô̆k hô̆i Vương Đình Huệ vang năm pơma dơnŭh kơdră kơpal “Mŭk drăm-Mơdro sa-Tơmơ̆t jên jang Việt Nam- Hungary” kơ yuơ Dơnŏ anĭh tơm Pơ prŏ tơdrong jang păng Tơmơ̆t jên jang, Dơnŏ anĭh tang măt Việt Nam tơ̆ Hungary vang pơgơ̆r hăm đei vă jê̆ 100 hơnĭh mơdro sa Hungary păng Việt Nam vang năm.

Lơ̆m chăl sơnăm tơplĭh ‘nao kơ Việt Nam, Hungary hlôi hơdrin tơgŭm djru tơdrong kĭ pơkăp, kĭ tơchơ̆t Tơdrong Tơchơ̆t Mơdro sa hiôk ian Việt Nam-Jơnŭm atŭm châu Âu. Tĕch mơdro dĭh băl tơmam drăm iok đei hơ iă, đơ̆ng 266 triu USD năm 2016 tŏk trŭh 1 ti 300 trĭu USD năm 2020. Iung pơma tơ̆ jơ pơma dơnŭh, Ƀok Peter Andras Sztaray, Kơdră jang Tơbôl păng Mŭk drăm Hungary sơkơ̆t hơdăh, tơpôl hơnĭh mơdro sa Hungary ‘mĕh vă atŏk kơtang jang hơdoi mơdro sa hăm Việt Nam. Tơdrong tơgoăt tơgoăl kơ jăp ƀar păh tĕh đak ‘nŏh mĭnh tơdrong gĭt kăl hlŏh vă atŏk kơtang tơgoăt tơgoăl mơdro sa dĭh băl lơ̆m khei năr kơnh.

Tơblơ̆ nơ̆r: Amazưt

TƠDRONG TƠROI NƠ|R KON KÔNG VOV4 TƠRING TÂY NGUYÊN

An^h: 19A trong Lê Duẩn, pơlei tơm Buôn Ma Thuo#t, dêh char Dak Lăk

Kơdră pơgơ\r: Vũ Hải Định