Năr tơmơ\t: 28/7/2021

 

VOV4.Bahnar - Lơ̆m ‘măng iung năm tơmang tơ̆ Paris, Kơdră jang tơbôl Anh hăm kơdră jang tơbôl Phalăng hlôi drơ̆ng mĭnh nơ̆r kĭ pơkăp mĭnh tơdrong Tơchơ̆t Vei lăng sơđơ̆ng Duk kơdau ‘nao ƀar păh Anh hăm Phalăng. Lơ̆m tơroi tơbăt ăn khŭl chĭh kơtơ̆ng ang, Kơdră jang tơbôl Anh Đôminíc Raáp (Dominic Raab) sơkơ̆t hơdăh, tơdrong kĭ pơkăp Tơdrong tơchơ̆t Vei lăng sơđơ̆ng Duk kơdau Anh - Phalăng ‘nao gô hơmet pơ ‘lơ̆ng tơdrong kĕ jang kơ 2 păh lơ̆m atŭm dĭh băl vang tơ jră plơ̆ tĕnh koăng păng jơnei hăm rim tơdrong pơ joă khŭl chư̆ kơnê̆ tơ̆ ving đak dơsĭ Manche tơgoăt tŏk bŏk ƀar tĕh đak. Kiơ̆ kơ ‘nŏh, Tơdrong tơchơ̆t ‘nao gô pơ đĭ rim tơdrong ăn asong Anh hăm Phalăng tơbăt dĭh băl kơtơ̆ng ang hrĕp đei ƀơm trŭh rim tơdrong pơ joă, vă pơjing trong iung tơ jră tang găn jơnei hăm rim ‘măng tơblăh tơdrŭt chư̆ kơnê̆. Kiơ̆ vă jang, Tơdrong tơchơ̆t gô đei jang kiơ̆ lăp đơ̆ng rŏng 2 tĕh đak kĭ pơkăp tơpă lơ̆m vă đĭ sơnăm au.

Tơblơ̆ nơ̆r: Amazưt

TƠDRONG TƠROI NƠ|R KON KÔNG VOV4 TƠRING TÂY NGUYÊN

An^h: 19A trong Lê Duẩn, pơlei tơm Buôn Ma Thuo#t, dêh char Dak Lăk

Kơdră pơgơ\r: Vũ Hải Định