Ngai lơi kung tam gơl mờ bơsir pa: 4/3/2021

VOV4.K’ho- Mho ngai 03/3, Thủ tướng Nguyễn Xuân Phúc đơng lam pơrjum Thường trực Chính phủ bè ală rơndap broă lơyài tơngai lam lơh, ờ huan geh cồng nha bơh gah công thương dê. Thủ tướng neh iat ală kuang bàng geh jơng Mpồl đơng lam, ală anih lơh broă, mpồl lơh broă mờ tập đoàn, tổng kong ti yal, ai tơlik jơnau sồr, lơh loh ală tơngume gơ rềng tus broă bơsong 12 rơndap broă, mpồl lơh sa kă bro lơyài tơngai lam lơh, ờ huan geh cồng nha.

Jat jơnau yal bơh ală bộ, gah broă lơh dê, tu\ do neh geh 3 rơndap broă tơlik bơh bơta đơng lam, sền gròi, bơsong bơh mpồl đơng lam dê. Bàr, pe rơndap broă neh gàr bè ờs broă lơh sa, geh phan lơh gơs, bơsong cau lơh broă in mơya gam ua\ kal ke, hoàc huơr dờng; bàr, pe rơndap broă gam ờ hềt lơh gơs halà ơm lơh broă.

Thủ tướng Nguyễn Xuân Phúc sồr Bộ Công thương yal rơndap broă bơsong gơ wèt tus mờ ală rơndap broă lơyài tơngai lam lơh, nàng Thủ tướng in sền sơ wì, geh jơnau đơs đơng lam bơh bơta sền gròi nền nòn, di mờ adat boh lam. Gơ wèt mờ ală rơndap broă kal ke, neh lam lơh ua\ nam, hoàc huơr jo\ jòng, Thủ tướng sồr Mpồl đơng lam, tàm hơ\ mpồl geh kơ nòl tơn là Ủy ban atbồ pria\ bơcri dà lơgar tàm mpồl lơh sa kă bro pal ai tơlik rơndap broă mùl màl rlau. Ai 2, 3 rơndap broă ờ geh tơl bơnàng jă adat boh lam, Thủ tướng sồr ală bộ, gah broă lơh cribơyai, ai tơlik jơnau đơs nàng geh broă lơh bơsong kuơmàng.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định