Ngai lơi kung tam gơl mờ bơsir pa: 5/3/2021

VOV4.K’ho- Tàm dơ\ pơrjum dơ\ 2 Mpồl đơng lam broă lơh te\ khà kuang bàng Quốc hội khoá XV mờ kuang bàng Hội đồng Nhân dân ală kấp tơngai lơh broă bơh nam 2021- 2026 geh lơh mho ngai 4/3 tàm Hà Nội, ồng Trần Thanh Mẫn Ủy viên Bộ Chính trị, Kuang ătbồ Ủy ban Mặt trận dà lơgar Việt Nam sồr, broă lơh gròi sền te\ khà pal geh kuơ ngan ngồn, dilah geh jơnau kơldang nùs lơh tìs, ờ lơh geh bơta dipal, ờ di jơnau sồr, bơta bơto pơlam, bơta pal geh den di tu\ yal wơl nàng ală anih lơh broă geh gơnoar in di tu\ bơsong.

Đơs tàm pơrjum, ồng Trần Thanh Mẫn sồr, ală kuang bàng tàm Mpồl đơng lam broă lơh te\ khà Ủy ban Mặt trận dà lơgar Việt Nam mhar lơh gơs ală sră nggal, dong kờl ai Mpồl đơng lam in lơh ală broă lơh rơcăng ai dơ\ te\ khà in, lơh di tơngai, di adat boh lam. Bè kơnòl broă tờm tàm tơngai tus, Mpồl đơng lam broă lơh te\ khà Ủy ban Mặt trận dà lơgar Việt Nam pơn jăt tai lơh jăt broă bơto pơlam, mblàng hơ tàm tiah he dê, ală mpồl gơ wèt bal bè broă lơh te\ khà.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định