Ngai lơi kung tam gơl mờ bơsir pa: 19/2/2021

VOV4.K’ho- Drim ngai 18/2, ồng Hồ Văn Niên, Ủy viên Ban Chấp hành Đảng Dà lơgar, Bí thư Tỉnh ủy, Kuang ătbồ Mpồl Kuang bàng Quốc hội càr Gia Lai neh đơng lam Pơrjum Ban Thường vụ Tỉnh ủy dê nàng iăt jơnau yal broă gơlik geh tàm ală ngai lài, tàm mờ tơnơ\ dơ\ sa tềp bơhiàn dà lơgar nam Tân Sửu 2021 mờ broă lơh rơcăng sơndră kòp Covid-19. Jăt jơnau yal, tàm dơ\ sa tềp bơhiàn dà lơgar nam Tân Sửu 2021, càr Gia Lai neh lam lơh kơnòl broă tàm ală gah broă lơh gàr niam lơh jăt di nùs nhơm sồr lơh bơh Dà lơgar dê.

Gơ wèt mờ broă lơh rơcăng sơndră kòp Covid-19, neh hòi jà bơta tus lơh bal bơh jơh ală anih lơh broă chính trị dê bal mờ bơta dong kờl jơh nùs ngan bơh ală mpồl cau lơh sơnơm tàm tiah rơcăng sơndră kòp dê, den tàng tus tu\ do, càr Gia Lai neh wàng se kơryan mờ gròi sền geh bơta kòp bơtờp. Gơ wèt mờ 27 nă cau bơtờp kòp neh sền go\, bơta pràn kơldang să jan bơh ală cau kòp dê neh bời wơl đau, ờ hềt sền go\ tai ală bơta gơ tơngo\ kòp kơn jơ\. Tu\ do, broă lơh gròi sền, ai mẫu xét nghiệm gam geh rề ơnàng lơh uă tàm mpồl bơtiàn tàm ală tiah geh kòp.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định