Bruk pablei salih di tỉnh Bình Thuận daok hu siam tagok

Meng kreh melam ini 3/3, tỉnh Hải Dương brei padeih bruk pa-atah di gauk dalam tỉnh, klaak bruk pacang cakak ban Chí Linh saong huyen Cẩm Giàng, saong brei pakhang bruk pacang caga jit Covid-19 dalam tukvak birau. Di Ban Hải Dương, dom sap preiw uan tabuan tuk kreh melam yau brei mboh bruk biak sambai di taong abih bhap bini dalam ban. Dom paga pacang, dom biển báo hadei 15 harei di dom chốt hu yah klak piah hu gilac veik raidiuk yaok harei. Bhap bini ba dom paok bingu that mekre alin, salih ka panuac thau dhar phol dom urang jakar ngak bruk luac tukvak tapa. Hadei tuk padeih pa-atah di gauk dalam tỉnh, bhap bini Hải Dương patui veik bruk ngak tui dom jalan pacang caga jit Covid-19.

Bhap bini Khmer daok tapen tasik di xã Vĩnh Hải, ban sit Vĩnh Châu, tỉnh Sóc Trăng maong dom urang lin di Đồn Biên phòng Vĩnh Hải, Bộ đội Biên phòng Sóc Trăng yau gauk gar dalam sang. Kayua đồn tuk halei jeng lac labik pambak tame di bhap bini labik ni ka yaok gah, dalam nan hu dom “bác sỹ quân hàm xanh” tuk halei jeng abih drei sangka tal prein yava bhap bini. Yaok thun, bilai Quân dân y Vĩnh Hải hu iek ruak, taong ruak ka yaok ribau bhap bini.

Bruk “Anek raong Biên phòng” hu Đồn Biên phòng Cửa khẩu A Đớt saong Đồn Biên phòng Cửa khẩu Hồng Vân, huyện A Lưới - tỉnh Thừa Thiên Huế peih ngak iek meng bilan 9 thun 2019. Di labik nan, dom urang lin Biên phòng hu caik veik rilo anit ranam, sangka iek glang, pato pakai, kuhria bruk mbang bac ka dom uranaih bangsa takik hu raidiuk oh patuah jamo. Bruk “ Anek raong Biên phòng” hu daong ngak brei khang kajap jang talei rohim bhap bini saong bol lin di bhum taphia negar.

Tukvak tapa, bruk buh jien tame ngak mbang, pablei salih di tỉnh Bình Thuận daok hu siam tagok. Dalam nan, bruk salih bahrau gah ngak harak gar, peih talaih, langyah dom kan kandah, tavak tavaiy di doanh nghiệp hu sangka tal. min, jeng daok hu dom sở, dom gah dalam tỉnh ka oh abih drei daong ka doanh nghiệp saong gah buh jien tame. Kayua yau nan ye, piah ba mbuan lagaih ka doanh nghiệp, gah buh jien tame dalam bruk duah thau sarak dui pachreih gah buh jien tame saong abih di nyu nan lac caik hatai tui pang dom kan kandah, tavak tavaiy di doanh nghiệp, gah buh jien tame tuk padang ngak dom danak dak di bhum palei, urang par akaok tỉnh Bình Thuận meda gam haong akaok dom sở, dom gah pambuak tal mai taom mbaok, ngak bruk tapak haong doanh nghiệp, gah buh jien tame yaok bilan takik abih lac sa mbang.

Tỉnh Đoàn Quảng Nam hu alin harak meyaom “Bruk ngak siam mekre, oh huac metai lahik daong ka urang mblung ia” ka sa-ai Trần Văn Tròn, umo 20 tuổi daok di Hà Quảng Đông, Phường Điện Dương, ban sit Điện Bàn, tỉnh Quảng Nam. Dahlau di nan, melam 25/2, dalam tuk nao me-in tapen tasik jaik sang, sa-ai Trần Văn Tròn mehit sap prew daong ala tasik. Oh huac hagait, urang likei dam nan kadau trun tasik daong 3 adei hu salamat, daok sa adei mblung ia metai.

Gah Y tế dunya (WHO) bahrau ni taong yaom bruk rahra di dunya tamuh tabiak prein pacang caga jit ruak ngan haong Covid-19, meng nan ba tabiak jalan langyah. Urang ilamo di WHO Su-mi-a X-oa-mi-na-than brei thau, urak ni di dunya hu ka oh tal 10% rahra patagok prein pacang veik haong virut SARS-CoV-2. Dalam nan. Tapa psang iek camriep abih di dom mbang pasang iek kháng thể di dunya brei mboh, 50 – 60% rahra di dom labik đô thị hu rilo manuac hu cak rok patagok prein pacang veik ruak hadei di tuk njom ruak. Meng di tuk jit praong Covid-19 tamuh tabiak di dunya, “miễn dịch di rahra” tuk halei jeng lac jalan ngak di rilo negar piah samar drak mai gilac haong bruk yaok harei. Min, muk Su-mi-a X-oa-mi-na-than ndem lac, jalan siam di abih paih mek hu prein pacang veik ruak di rahra angaok dunya lac klauk vắc-xin Covid-19.

Jalan taphia negar di Australia meda brei daok kareik pabah mbang tal kreh bilan 6 tal piah pacang caga jit mbuan njom mbak ruak Covid-19 saong bhap bini taneh ia ini njauk pakauk tabiak truh negar, njauk bruk nao tabiak hu rajaei liên bang brei adat. Bruk kareih pabah mbang negar birau hu rajaei Australia brei dui atah jang 3 bilan tra saong brei ngak tui tal kreh bilan 6 thun ini. Bruk nan hu makna lac bhap bini negar langiu oh brei tame Australia saong bhap bini taneh ia ini jeng oh brei tabiak truh, lingiu di dom urang hu bruk karei hu rajaei brei adat.

Mintri Y tế, Lao động saong Phúc lợi Nhật Bản harei 2/3 brei thau, sa urang kumei umo 60 thun hadei di tuk klauk vắc-xin caga Covid-19 hu 3 harei ye metai. Urang metai lac sa urang kumei hu klauk vắc xin caga Covid-19 di harei suk adit dahlau saong makna ba tal metai hu brei thau lac kayua tabiak darah di glo akaok. Ni lac urang metai camriep hu klauk jru vắc xin caga Covid-19 hu brei thau di Nhật Bản. Tukvak urak ni, iek tui bruk klauk jru di dom negar, brei thau lac oh mboh bruk pambuak gauk di xuất huyết não haong vắc-xin caga Covid-19. Ni meda lac 1 bruk biak karei, njauk duah thau cambaih laih dahlau di tuk ba tabiak panuac puac di abih ka makna di nyu./.

Urang lang: Ái Nghiêm – Thu Thảo – 03/03 10:44:11

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân