Bruk raong menuk “hijao” di saai 8X

Mai tal bein raong menuk Go Fresh Việt Nam di palei Mai Lĩnh, xã Liêm Phong, huyện Thanh Liêm (Hà Nam), khaol dahlak oh klah di tatuak drei tuk mboh dom van ro hacih sa-at, njauk caik hatai di abih lac pahe di phun jru. Bein raong menuk hu camera pasang iek saong menuk hu pang nhạc. Menuk dahlau di tuk tame bein raong mebaoh hu ba tame labik raong palao, mong yau jalan pasram ka menuk tagok pren pacang caga ruak...

Sa jalan pataom mek nerak hu ngak biak siam meng dom tal raong hu caik biak laghaih, nerak hu xử lý meng vi sinh vật,...; ngak ka bein raong khik hu hacih sa-at, pa-atah haong ruak kik meng gah langiu.

Gam haong nan, hệ thống brei mbang, aia menyum tự động oh caik kandong pandap mbang atau aia menyum. Taong abih jeng hu daong patagok siam di abihka menuk mebaoh. Oh padauk bruk, po bein raong menuk brei thau, phun jru dalam pandap mbang tok hu jaik 5% (labaih 90% lac haleik, pandap mbang meng phun kayau di bein) min hu tal 40- 50 janih jru karei di gauk hu srau tui tukvak praong tagok di tapon menuk. Menuk hu raong meng công nghệ vi sinh haong pandap mbang camereip lac phun kayau srau haong phun jru. Aih menuk hu pa-auk raong ruai seok jhuk ngak pandap mbang ka menuk saong ngak khak pala phun jru.

Minh Anh brei thau, menuk công nghiệp brei năng suất glaong min pren pacang caga ruak biar, daok menuk Mía – lac menuk pok tagok ka patao meng palei Đường Lâm meng kan, hu ba tame raong iek. Dalam dua thun raong iek, hadiuk pasang urang ngak po 8x oh thau hu hadom mbang njauk khat lahik. Rilo tapul menuk oh pandar jru pacang caga ruak oh ka mebaoh ye ruak metai.. Gam roh duah, gam bac megru, gam ba haleik nao dut iek saong tapa rilo mbang ramik veik, tal harei ini, tapon menuk raong hu 15 ribau drei, brei baoh menuk phun jru meng bilan 4/2020. Bruk praong abih di urang po 8x, lac raong "hijao" oh pandar jru pacang caga ruak hu padang tagok. Meng bilan 4/2020, baoh menuk phun jru di bein raong hu pablei tabiak darak pasar, mek angan lac Baoh menuk Mía phun jru Saschi. Ini jeng lac tukvak pa-atah di gauk kayua jit COVID-19. Salih samar drah anak dom kan kandah, Saschi hu pablei tui online saong hu urang takre blei mbang kayua nyu siam, bingi. Meng yaom pablei 6.000 đồng sa baoh menuk saong 190.000 đồng 1 kg menuk ralaow, bruk mek gilac phun jien 7 tỷ đồng buh tabiak hu mong yau dalam tangin.

Meng dom jak jeng tuk camereip meng bruk raong menuk phun jru, urang po 8x daok buh jien ngak bein praong piah raong pabui phun jru. Ini njauk lac jalan cak rok patagok hu meta mong atah kayua an toàn sinh học daok lac jalan peih tabiak ka bruk raong glang khang kajap anak bruk jit ruak di athur raong dak harei dak srau kadau yau urak ini./.

Urang lang: Jasi – 17/02

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân