Masrai jien tui P2P haong dom hana hua di nyu

Mayah hu ngak njauk tui angan ieu di nyu, bruk brei masrai jien di P2P njauk lac sa jalan ngak siam lagaih daong darak pasar jien padai. Min tapi di Việt Nam, kayua oh ka hu adat hukum ka bruk ngak ini, dom DN ngak mbang gah brei masrai jien oh ka hu jalan ngak cambac tantu, oh ka hu karja taong yaom, brei adat. Kayua mboh yau nan, gah brei mesraiy gah lingiu brei masrai jien mek raba glaong mek telephone taeng drei ngak tui jalan brei nyim masrai dreih yau  P2P. Min  urang oh ngak njauk, yau nan ye urang nyim masrai jien oh thau cambac drei nyim masrai jien di hei, raba yau habar, kayua nyu oh brei thau cambac lac.

Hadei di masrai jien blaoh, urang nyim masrai meng thau lac drei lah pachot. Tal tuk ini, urang nyim masrai tok thau ngak bruk duah jien bayar sraiy biak rilo duk haong jien drei nyim sraiy. Hu urang nyim jien oh ka bayar ginup atau bayar oh njauk harei, njauk pô sraiy preo puac, khin taong, ngak pamelau mbaok meta meng dom jalan ngak suan adat hukum. Urang mesraiy jien hadei di nan kayua biak huac meng nao khan brei gah công an thau piah daong langyah.

Biak di nyu, ngan saong pok jien masrai oh ralo, nyim piah pandar cai dalam sang, urang nyim masrai njauk nao mesraiy di dom cty jien padai. Ini lac labik brei mesraiy tui adat hukum. Kongty jien ndo mada jpahadar urang nyim masrai jien, min bruk pahadar urang nyim masrai bayar jien hu ngaktui Thông tư 43/2016 di Gilang jien nagar) lac: “Jalan pahadar bayar jien lagaih haong bruk di urang mesraiy saong njauk tui adat hukum, dalam nan harei bayar jien nyim masrai hu dua gah ba tabiak dalam harak pambuak bruk, min dalam vaktu meng maong 7 tal maong 21, saong oh hu bruk puac pareo, ngak huac urang mesraiy jien”.

Meng harei 1-1-2020, tuk Thông tư 18/thun 2019 hu pasiam veik, pabak dom paka dalam Thông tư 43/thun 2016 hu ba tabiak pandar, ye bruk padar harei bayar jien di urang masrai jien nyu cambac lac, yau ye: “Jalan ngak piah pachreih bayar jien njauk tui baoh sang urang nyim marai jien, njauk tui adat hukum, dalam nan ieu pahadar urang nyim masrai jien ralo di nyu 5 mbang dalam sa harei, jalan pahadar bayar masrai, harei padar urang bayar jien masrai njuak tui harak di dua gah mbaoh tangin, dalam vaktu meng maong 7 tal maong 21, oh pahadar srai, oh ndok masrai, payua panuac mek jien masrai tal labik jeng ye urang oh njauk angan manuac urang bayar jien nyim masrai ka công ty tài chính, lingiu di bruk hu jabat karja brei adat tui adat hokum, oh brei thau angan je di urang mesraiy jien tui adat hokum”.

Meng adat hokum dak harei dak hu pasiam, urang mesraiy meda pilih ruah ka drei jalan mesraiy siam, lagaih haong bruk hit di drei./.

Urang lang: Thu Thảo - 18/02

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân