Danak dak daoh takơ uan Đảng - uan Wa Hồ

 

 

Mikva saong taong abih gauk pang rayo anit ranam!

Harei ini harei jip 11/2/2016 - lac harei 4 bingun tết anek sak kara, likau tadhau yuh mikva saong taong abih gauk sa thun barau ginup meda saong hu ralo patuah jamo.

 

Mikva saong taong abih gauk anit ranam!

          Kol drei daok daok dalam dom harei xuân siam mekre saong bak bui sambai. Grap labik dalam taneh ia, bruk uan Đảng, uan thun barau daok chreih chrai tal yaok canah jalan, yaok baoh sang. Tuk ini, kol drei dak hadar tal Wa Hồ praong uranam. Labaih 45 thun tapa bloh meng harei Wa nao atah, jeng lac labaih 45 thun kol drei oh daok mehit panuac tadhau yuh tết di Wa yava tagok angaok riyak di rayo sap ndom VN tuk giao thừa, min hatai kol drei jeng mboh ấm áp tuk hadar tal Wa, kayua dahlau di tuk nao atah, Wa hu caik veik hatai anit ranam ka taong abih bhap bini, taong abih urang Đảng. Saong dalam baoh hatai praong “kua abih taneh ia abih rai menuac” di Wa, bhap bini dom bangsa takik VN hu sa labik dang oh hagait salih hu. Piah hadar tal wa saong thau dhar phon urang lãnh tụ praong uranam di bangsa VN, urang anh hung peih paha bangsa, urang ba abih rai di drei ka độc lập di taneh ia saong tự do, hanem phon di bhap bini, dalam danak dak papar sap chăm harei ini, kol dahlak likau payua tal mikva saong taong abih gauk dom kadha daoh pok meyaom Đảng, Wa Hồ, taneh ia palei negar ngan saong kadha: “Bilan xuân hadar dhar phon Đảng, dhar phor Wa Hồ”.

 

(kadha daoh: Chào ngày mới)

 

Mikva saong taong abih gauk anit ranam!

Yaok mbang tuk Tết mai, grap dom palei Chăm hu yava tagok sap daoh: Hồ Chí Minh caik ka rai Việt Nam… Hồ Chí Minh caik ka rai anek Chăm”. Meda ndom lac ini kadha daoh bo taong abih urang Chăm, meng uranaih tal urang taha di palei chăm Phú Nhuận, tỉnh Ninh Thuận jeng yau bhap bini chăm jeng thau, jeng kanal.  Hadei di ini, daa mikva saong taong abih gauk pang kadha daoh “Palei chăm dhar phor Wa” di A Mư Nhân, tui sap daoh di Đàng Năng Đức.

 

kadha daoh: “Làng Chăm ơn Bác”

 

Pathau mikva saong taong abih gauk!

Wa Hồ, dua baoh panuac ginreih saong tuk halei jeng daok dalam baoh hatai di bhap bini VN. Wa lac biểu tượng siam mekre di hatai jia, lac bruk uan hadar dalam hatai bhap bini Chăm. Bruk anit ranam nan hu jeng pren khang pachreih dom rai rah bhap bini Chăm harei ini diuk rai, bac megru saong ngak tui jalan hadha krah siam mekre di Hồ Chí Minh. Ptui danak dak, daa mikva saong taong abih gauk pang kadha daoh Wa Hồ kayua Y Sa paneh tabiak, tui sap daoh di Y Sa saong kapul nyaom.

 

( kadha daoh: Wa Hồ - 5’28)

 

Kol drei barau pang kadha daoh “Wa Hồ” kayua Ysa paneh tabiak, tui sap daoh di Y Sa saong kapul nyaom.

Pathau mikva saong taong abih gauk!, dahlau daih, rai diuk di mikva bangsa Chăm biak kan kandah. Mikva diuk rai pagam pambak tame bruk ngak nông, cang maong ia langik. Meng hu pui hadah di Đảng, di Wa Hồ ba jalan, bhap bini hu tabiak truh kan kathaot, rai diuk patagok.

 

(kadha daoh: Người Chăm ơn Đảng – 4’50)

 

Meng bloh nan lac kadha daoh “Urang Chăm dhar phon Đảng” di rapaneh Bá Khôi, tui sap daoh di kapul likei, pasak ilamu tỉnh Ninh Thuận. Sa kadha daoh biak bingi pang, biak lai li-an njauk halei oh mikva.

 

Pathau mikva saong taong abih gauk!

Wa Hồ, gait lac bruk anit ranam di abih,

Dalam hatai bhap bini saong dalam baoh hatai menuac sia.

Abih rai Wa iek glang ka hanem phon di bhap bini

abih rai Wa brei ka bangsa Việt nam

Abih rai biak praong glaong oh sahneng hagait ka rup drei

Miat miat caik dalam baoh hatai Việt Nam.

Panuac daoh vak ka Wa biak dung dị min bak xúc cảm, brei mboh rup binguk sa anek menuac hu dalam rup trí tuệ saong baoh hatai Việt Nam. Kadha daoh pok meyaom hatung hatian di Chủ tịch Hồ Chí Minh, nan lac hatai anit ranam praong glaong di urang lãnh tụ di bangsa, baoh hatai caik ka rai diuk, ka menuac sia dunya. Nan lac asal kadha daoh angan “Bác Hồ một tình yêu bao la” di nhạc sĩ Thuận Yến, tui sap daoh di Thu Hiền.

kadha daoh: “Bác Hồ một tình yêu bao la”

 

Pathau mikva saong taong abih gauk!

Danak dak papar sap chăm uan rok thun barau anek sak kara thun 2016 ngan saong kadha “Bilan xuân dhar phon Đảng, dhar phor Wa Hồ” likau tadhau yuh mikva saong taong abih gauk sa thun barau mek hu ralo jak jeng dalam bruk ngak jeng yau dalam raidiuk. Salam kajap karo salamat./.

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân