Cập nhật ngày: 13/3/2016

 

Da-a mikva saong grauk ayut pang Danak dak papar sap Cam harei adit khan ka lagu daoh bhap bini Cam ngan saong kadha “Dane miat lagu daoh bhap bini Cam”

 

Pathau mikva saong grauk ayut!

Dalam tuk dunya daok mbeik drei tame gauk yau harei ini, nghe thuat bangsa jeng yau lagu daoh bangsa daok mbuan lahik nao kayua ilamu nghe thuat birau. Lagu daoh bangsa daok lihik nao ilamu di drei saong takik hu urang pang, urang maong iek, hu oh takik dam dara urak ini oh thau hu yaom glaong di lagu daoh meng kan, takre lagu daoh birau lagu daoh negar langiu, oh takre nghệ thuật bangsa.

 

Piah daong khik ramik jeng yau yaih khan dom gheih, mekre di lagu daoh bhap bini, danak dak parar sap Cam  harei adit ini, 13/3/2016 hu yaih khan dom kadha daoh bhap bini Cam tal mikva urang pang rayo. Daok urak ini, da-a mikva saong grauk ayut pang khaw tin ilamu:

(Trang tin văn hóa - nhạc cắt)

 

Khol drei birau pang dom khaw tin brei thau dom bruk ilamu hu peih ngak dalam adit ini. Daok urak ini, da-a mikva saong grauk ayut pang asar kadha di danak dak:

 

 Pathau mikva saong grauk ayut!

 Thei jeng thau lac urang bangsa Cam hu ilamu biak lavik rai, dalam nan lagu daoh bhap bini jeng hu tabiak rai biak aval. Bein lagu daoh nan cak rok miat miat tui thun bilan saong tui dom rairah ong muk hu ngak jeng sa gilang lagu daoh meng kan di bangsa, hu panuac daoh jeng yau lagu daoh, kadha daoh gheih, mekre.

 

Hadei di ini, khol drei yaom pang sa kadah daoh bhap bini Cam tui sap daoh di Thành Lũy daok di Ninh Thuận.

 

Bài hát “Payak Po Klaong Girai” (4 phút 20’)

 

Meng bloh nan lac sa kadha daoh da-a po yang. Kadha daoh nan hu daoh dalam rija klauk kubao di urang Cam piah pok paglaong dhar phor  di Po Klaong Girai -Payak Po Klaong Girai.

 

Patui danak dak lac sa kadha daoh ndom tal Po tanghaok ( lac yang tasik).

Bài hát: Po Tanghaok (1 phút 46)

 

Mikva saong grauk ayut pang rayo anit ranam!

Nghệ thuật bhap bini di yaok bangsa hu pagap yau dom asar intan jangaih hadah hu palih ruah lavik saman tapa thun bilan saong ndung bak ilamu bangsa. Nghệ thuật bhap bini Cam hu labik dang biak praong dalam raidiuk di urang Cam. Luac tukvak patagok, urang Cam hu ngak jeng sa ilamu nghe thuat bhap bini mbak carak ilamu di drei.

 

Patui danak dak, da-a mikva saong grauk ayut pang kadha daoh bhap bini Cam angan “Đẹp duyên đôi lứa” tui sap daoh di Duy Tân saong Mỹ Huyền:

Bài hát: “Đẹp duyên đôi lứa” – (Lấy trong kho băng – 6 phút hơn)

 

Patui danak dak lac sa kadha daoh Cam H’roi hu asal  ndom tal bruk anit ranam gauk di dam dara, nan lac kadha daoh: “Sa-ai mai alin koong” tui sap daoh di Sô Ly Hương saong Sô Điền Thanh:

 

Bài hát: Anh về cho trao koong (4 phút 35)

 

Pathau mikva saong grauk ayut!

Lagu daoh bhap bini Cam hu biak ralo asal kadha karei di gauk, dalam nan rilo meng ndom ka bruk meyut meyau, ka hatai di menuac sia, ka bruk ngak mbang ngak huak yaok harei di puk palei. Kadha daoh Cam ndem tal bruk cuang kandah kayua agama karei gauk saong dom kadha daoh pok meyaom dom AH bangsa dalam dom rija saong dalam adat cambat. Patui di ini,da-a mikva saong grauk ayut pang sa kadha daoh bhap bini Cam “Harei Kate” tui sap daoh di kapul likei kumei Đoàn Nghe thuat oh chuyen Cam Binh Thuan.

 

Bài hát: “Ngày hội Katê” (7 phút)

 

Patui veik, khol drei yaom pang kadha daoh Cam Uak kan ka thar wak tui sap daoh di  Qua Thị Hồng Loan.

 

Bài hát: Than thân trách phận (2 phút)

 

Tukvak daok veik di danak dak, da-a mikva saong grauk ayut pang kadah daoh Cam  Gắng công sản xuất” tui sap daoh di Minh Chương.

Bài hát: “Gắng công sản xuất” (2 phút 10)

 

Bhap bini saong grauk ayut urannam!

Danak dak papar sap Cam harei adit khan ka lagu daoh bhap bini Cam ngan saong kadha “ Dane miat lagu daoh bhap bini Cam”  di Rayo sap ndem Viet Nam tal ini likau padeih. Tadhau ayuh mikva saong grauk ayut harei padeih padai puac adit rilo bui sambai, haniem phul. Wessalam./.

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân